Yohanes 16:20 - Muna Southern Dialect

²⁰ Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.

Yohanes 16:20 Referans Kwoze

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

Matius 5:4

Dokodawua mpuu mopeano lalo, kapaꞌamo nalumawesida Lahataꞌala.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Markus 16:10

Hobhine aitu lasao nokala nofohato sabhangkaꞌino Yesus. Andoa ini tangasano noguguhu lalondo bhe doꞌae.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

Lukas 24:21

Gahaꞌaitumo endefiꞌini taposahunaꞌao anoamo so mobebasino miendo Israel, maka ampa aini tolu oleomo nopalusi sabhaha kadhadhia anaꞌa.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Roma 5:11

Suano kaowu taꞌanaꞌaa. Nowula dua lalontoomu mbaꞌinomo nehabuno Lahataꞌala mangkano ne Ompuntoomu Yesus Kristus, hampanomo Anoa intaodiomu dopometaa bhe Lahataꞌala ampa aitu.

Lukas 24:17

Yesus nofeenadamo ambano, “Metula-tulaꞌaoꞌomu ae bhahaa we laano sala ini?” Andoa lasao dofetumpu, wohaꞌano ulando noguguhu sepaliꞌa.

Lukas 23:27

Dobhahi sepaliꞌa mie mangkafino Yesus, ne olotando mie bhahi maitu dobhahi dua hobhineꞌi doꞌaefie bhe dekangkoꞌae.

Powoha 18:7

Sikisaaꞌeomu bhe fekaguguhueꞌomu ampa naposahataa bhe kafosibhala bhe dadi pontalabhi-labhi nenamisino. Kapaꞌamo anoa nokoduku lalono, ‘Inodi ini omputo hobhine mintahano pahinta. O idi suano bhihinandaa, paise sepaliꞌa aenamisi kaguguhua.’

Powoha 11:10

Mie meateno we dhunia daoꞌiaꞌao matendo bhe naowula sepaliꞌa lalondo sampe dohame-hame bhe dopopaka-pakatuꞌao kawaꞌao, mbaꞌinomo kohoduando anabii maitu dosikisaa mpuu mie meateno we dhunia.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 16:6

Tamaka aitu afohatokomoomu, kaoguguhuꞌanomo lalomiu.

Lukas 22:62

Petrus lasao nolimba bhe noꞌae, nokompeaha sepaliꞌa lalono.

Lukas 22:45

Palusi nosambahea, noehemo nosuli se anaguhuꞌino tamaka nohatofida nandoo doodo hampano kakompeahano lalondo.

Lukas 6:21

Kodawua mpuu hintimiu moꞌahono ampa aitu, hampano mada kaowu damekaweꞌikoomu. Kodawua mpuu hintimiu moꞌaeno ampa aitu, hampano namada kaowu mutaaꞌomu.

Markus 14:72

Gahaꞌa nopobutu nokakuhua toha manu. Petrus lasao nofeꞌulai pugauno Yesus ne anoa, “Paeꞌo nahaa paku nakumakuhua manu, natolu pakumo gumaga miina mandeꞌa kanaua.” Maka noꞌae, tanokansodu-nsodumo.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

Yohanes 20:20

Pada nopugau peda naꞌa nofotiwohaandamo limano bhe tompano kaha-kahano. Anaguhuꞌino nowula sepaliꞌa lalondo dowoha Ompu.

Matius 21:38

Tamaka gahaꞌa sadowoha anano kafeompuꞌando, kumahadhaano maitu dopugaumo sapada-pada andoa, ambado, ‘Ananomo ini so kohakuꞌaono kahunsaꞌaono. Dopongkoeꞌanaomu, neanomo kahunsaꞌaono somo intaodiomu.’