Yohanes 16:17 - Muna Southern Dialect

¹⁷ Seemie hodua anaguhuꞌino tadopofee-feenamo ambado, “O ae bhahaa maꞌanano pugauno naꞌa, ‘Tana sebantaha paemo moha kanauꞌomu, tana sebantaha toha moha kanaumoomu dua’? O ae dua maꞌanano pugauno, ‘Idi akumala ne Amaku’?”

Yohanes 16:17 Referans Kwoze

Yohanes 16:16

“Tana sebantaha paemo moha kanauꞌomu, tamaka tana sebantaha toha moha kanaumoomu dua.”

Yohanes 16:5

Tamaka aitu asumulimo te Tumudu kanau, gahaꞌa ne olotamiu itu miina bhe meena kanau bhahaꞌi akumala ne amai.

Markus 9:32

Anaguhuꞌino miina dalumosangiea pugauno, tamaka doteꞌi dameenae.

Yohanes 16:19

Gahaꞌa Yesus nopandeꞌaane patudhundo dameenae, dadiꞌanomo nopugaumo ambano, “Bhahaa pofee-feenaꞌao pugauku saꞌituini, ‘Tana sebantaha paemo moha kanauꞌomu, tana sebantaha toha moha kanaumoomu dua’?

Yohanes 14:5

Ambano Tomas, “Waompu, ingka miina tamandeꞌaanea kumala ne amai, dadiꞌanomo nada amai dua tamandeꞌaane kaangkaꞌano?”

Yohanes 12:16

Wakutuu anaꞌa anaguhuꞌino miina dalumosangiea, tamaka nopalusi notiwoha kakalabhiano Yesus ⸤ ne mateno⸥ , kaneꞌomo dofeꞌulaiꞌe putae tibuhino naꞌa nopulaoꞌao Anoa, ingka padamo dua dodhalangie.

Lukas 18:34

Tamaka kosasawiꞌae naꞌa miina dalumosangiea anaguhuꞌino. Maꞌanano pugauno maitu notifebuni ne andoa, sampe miina damandeꞌaanea o ae patudhuno.

Markus 9:10

Andoa doangkafie pugauno, tamaka tadopofee-feenamo ambado, “O ae bhahaa maꞌanano namanu maiꞌao ne mate?”

Yohanes 16:1

“Kosasawiꞌae ini afohatoangkoeꞌomu keana nohungga kaparasaeamiu sampe humunsa kanauꞌomu.

Yohanes 14:22

Yudas (tamaka suano Yudas Iskariot) nofeenamo ambano, “Waompu, noafa bhahaa motiwohaꞌao Wutomu ne insaodi, suano ne dhunia?”

Lukas 9:45

Anaguhuꞌino miina damandeꞌaanea maꞌanano pugauno naꞌa hampano nandoo notifebuni so andoa, tapamo katilosangiꞌano. Andoa miina dua daokadoa dameenaꞌao maꞌanano pugauno naꞌa.

Yohanes 16:18

Dadiꞌanomo dopugaumo ambado, “O ae bhahaa maꞌanano, ‘Tana sebantaha’? Ingka miina dalumosangieꞌomu.”