Yohanes 16:13 - Muna Southern Dialect

¹³ Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

Yohanes 16:13 Referans Kwoze

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 14:17

Anoamo Rohino Lahataꞌala meowano kabanara. Dhunia pae damooli datumahimaea, hampano miina daohaea, miina dua damandeꞌaanea. Tamaka hintimiu pandeꞌaaneomu, kapaꞌamo Anoa napobhaiangkoomu bhe naeate we lalomiu.

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

1 Yohanes 2:20

Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

1 Yohanes 4:6

Tamaka intaodiomu fehebuaꞌano Lahataꞌala, maka mie mandeꞌaono Lahataꞌala dofofetingke. Tamaka mie suano fehebuaꞌano Lahataꞌala miina dafofetingkea. Pedamo anaꞌa dopandeꞌaanemo poꞌalaꞌano Rohino Lahataꞌala bhe rohi fofekakolilinono.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Powoha 1:19

Dadiꞌanomo buhie newohamu ini, naetaa kumadhadhiaꞌano aitu naetaa so kumadhadhiaꞌano mada kaowu.

Yohanes 8:38

Newohaku ne Amaku, aituꞌaemo dua nepugauꞌaoku. Pedamo dua naꞌa hintimiu, nefetingkemiu ne amamiu, anaꞌamo nehabumiu.”

2 Tesalonika 2:3

Tangkanomo, nada ae maka dua, koise undaomu dabhohe-bhoheꞌikoomu! Kapaꞌamo paeꞌo nahumato oleono Ompu anaꞌa, tetewei nandumandoo wawo kahungga bhalano, dabhahi mie so humunsano kaparasaeando. Tetewei dua seemie manusia foliuno kadai namotiumba wutono, toka nefotantuno so binasano ⸤ we narakaa⸥ .

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

2 Tesalonika 2:12

Hato pandano, kosasawindo mie tapa marasaeano ne kabanara maitu bhe moindalono habu modai, daeꞌawa kahukumu.

Tula-tulando rasulu 27:24

‘Paulus, koe moteꞌia, tetewei powise bhe Omputo Kaisar. Hampano rahamatino Lahataꞌala kosasawindo mie owaꞌamu weo bhangka ini dasumalamati, mbaꞌinomo bhe hintu.’

Tula-tulando rasulu 20:23

Ampamo kaowu nofohato kanau Rohino Lahataꞌala ne amai liwu kaangkaꞌaku taꞌo katohongku bhe kafodee-dee so neꞌawaku.

Yohanes 3:32

Anoa nosakusiiꞌao newohano bhe nefetingkeno tamaka bhe naseemie miina bhe tumahimano bhihitano nefosampeno.

Tula-tulando rasulu 11:28

Seemie, koneaꞌano Agabus, nofohatoanda so kumadhadhiaꞌano we oleo mbuhumai. Weo kuasano Rohino Lahataꞌala nofohatoanda kosedhuniaꞌae nakumantibhae gaba. Kafohatono naꞌa kotu-kotuꞌu nokadhadhia ne dhamani pahintano Omputo Kaisar Klaudius.

Yohanes 16:12

Nandoo nobhahi dua so nefohatoꞌaoku ne hintimiu, ampamo kaowu aitu paeꞌo sumodaiꞌeomua.

Ibrani 1:1

Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

1 Yohanes 5:6

Yesus Kristus nomai we dhunia ini, nekadiu oe bhe hea. Anoa nohato miina kaowu naekadiu oe, tamaka nekadiu oe bhe hea. Sumakusiiane Rohino Lahataꞌala, kapaꞌamo Rohino Lahataꞌala miina nakopahaa.