Yohanes 16:11 - Muna Southern Dialect

¹¹ Namoꞌinsafuanda dua kabhotusino Lahataꞌala, hampano Mowano Dhunia ⸤ maꞌanano Kafeompuꞌando seetani⸥ padamo nobhotusie.

Yohanes 16:11 Referans Kwoze

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

Kolose 2:15

Maiꞌao te sau salipu Kristus notalodamo sabhaha rohi mahintano bhe kokuasano. Kafotalono Kristus dowohae sabhaha mie; rohi mahintano bhe kokuasano naꞌa kanggetumo katohongku dotapuda weo hame-hameno kafotalono Kristus.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Yohanes 14:30

Paemo naobhahia apuga-pugau bhe hintimiu, kapaꞌamo Mowano Dhunia ⸤ maꞌanano Kafeompuꞌando seetani⸥ nahumatomo. Tamaka anoa miina sepaliꞌa nakokuasa ne Idi.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

Ibrani 9:27

Padamo dofotantue, manusia tetewei damate sepaku kaowu, pada aitu daewiseki kabhotusi.

Ibrani 6:2

Pedamo dua itu kafoinaꞌuno kakadiu sarani, kafoinaꞌu detei limando te wawondo mie bhaindo ⸤ desaloanda kabarakati⸥ , kawanuꞌando mie mate bhe kahukumu suhue dhamani.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Tula-tulando rasulu 10:42

Yesus notudu kainsami tamolele Bhihita Metaa aini ne sabhaha liwu bhe tafofohatoꞌao putae Anoamo nepilino Lahataꞌala so bhitahakino mie dumadino bhe mateno.

Lukas 10:18

Nopugaumo Yesus ambano, “Awoha Kafeompuꞌando seetani nondawu pasae bhibhito nomaiꞌao te lani.

Matius 12:36

Amohatokoomu: sabhaha pugau tapa kofahalaa dapowiseane wuto nahumato oleono Kiama.

Matius 12:18

⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 24:25

Tamaka hato Paulus nopugauꞌao dadi banara, damewanaki totono lalo bhe kabhotusi nahumato Oleono Kiama, gubernur Feliks noteꞌimo. Nopugaumo ambano, “Netaamo, kalamo kadeki. Ane bhe kasalawa metaa madaꞌo toha asumaliꞌiko.”

Yohanes 16:12

Nandoo nobhahi dua so nefohatoꞌaoku ne hintimiu, ampamo kaowu aitu paeꞌo sumodaiꞌeomua.