Yohanes 16:10 - Muna Southern Dialect

¹⁰ Namoꞌinsafuanda kabanara, kapaꞌamo Idi asumulimo ne Amaku maka hintimiu paemo moha kanauꞌomu.

Yohanes 16:10 Referans Kwoze

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Galatia 5:5

Tamaka insaodi, bhe katulumino Rohino Lahataꞌala, taantagi neposahunaꞌao mani putae Lahataꞌala natumahima kainsami peda mie banara hampano kaparasaea mani ne Kristus.

Roma 1:17

Kapaꞌamo weo Bhihita Metaa naꞌa notiwohamo kaangkaꞌando manusia so datitahimaꞌao peda mie banara ne Lahataꞌala. Kaangkaꞌa anaꞌa notanda ne kaparasaea, nopuli ne kaparasaea. Kapaꞌamo nandoo tibuhino weo Kitabi peda ini, “Mie netahimano Lahataꞌala peda mie banara hampano kaparasaeano, anoamo itu so meꞌawano dadi.”

Tula-tulando rasulu 17:31

Kapaꞌamo padamo nofotantue tempono so dabhitahakiꞌao manusia kosedhuniaꞌae ini, naposahataa bhe podiundo seemie-seemiea. O mie so fobhitahakino naꞌa padamo dua nofotantue, maka mbali tandano so doparasaeaꞌao sabhaha mie, Lahataꞌala nofowanue maiꞌao ne mate.”

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Yohanes 5:32

tamaka nandoo mie sigaoꞌano sumakusii kanau, apandeꞌaane nesakusiiꞌaono naꞌa nokotuꞌu.

Yohanes 3:14

Tapedamo anabii Musa nefopika ule tambaga ne sau maka nosangkee nofekalangkee we pandaso bhalano, nadamo dua anaꞌa Anano Manusia tetewei dasumangkee damekalangkee,

Yohanes 7:33

Ambano Yesus, “Paemo naomponaa aeate bhe hintimiua, mada anaꞌa asumulimo te Tumudu kanau.

Yohanes 16:5

Tamaka aitu asumulimo te Tumudu kanau, gahaꞌa ne olotamiu itu miina bhe meena kanau bhahaꞌi akumala ne amai.

Yohanes 16:28

Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”