Yohanes 15:5 - Muna Southern Dialect

⁵ Idimo ini puꞌuno angguru, hintimiu haꞌaꞌino. Sasuka seꞌiseno bhe Idi, Idi aseꞌise bhe anoa, anoa maitu nabhahi bhakeno; kapaꞌamo we simbaliku paise meafa-afaomua.

Yohanes 15:5 Referans Kwoze

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

2 Korintus 13:8

Kapaꞌamo pae bhe so nepooli mani ane tapoewangi bhe kabanara, so nepooli mani ampamo tamangkafi kabanara.

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

Yohanes 12:24

Amohatokoomu, kotu-kotuꞌu ane onuno gandum pae naondawu ne wite maka namate, daa-daaꞌe seꞌonu. Tamaka ane namate, kaneꞌomo natumumbu maka naobhahi bhakeno.

Roma 7:4

Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Yohanes 9:33

Ane mie amaitu pae namaiꞌao ne Lahataꞌala, tetewei pae nakonipoolia.”

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

1 Korintus 12:12

O mbadha seꞌise, katokano nobhahi; mahinggamo nobhahi katokano, ingka sembadha kaowu. Pedamo dua aitu Kristus.

1 Petrus 2:4

Dadiꞌanomo maꞌotiomu Ompu. Anoamo tapedamo kontu dumadino. Daanumo doꞌohoe manusia, tamaka nopilie Lahataꞌala mbali kontu sandi foliuno kakoharagaa.

1 Korintus 12:27

Hintimiu itu saneamo mbadhano Kristus, seemie-seemie ingka o katokanomo.

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

2 Korintus 9:10

Anoa mefontaa-ntaano wine mbali mie meꞌewino, Anoa mefontaa-ntaano oti so daomaa, Anoamo dua montaa-ntaano wine nefaraluumiu maka namekabhahie wine neꞌewimiu itu sampe nasedhuluꞌa dua kabhalano pehapimiu, maꞌanano o habu metaano.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Roma 12:5

Pedamo dua intaodiomu, mahinggamo dobhahiomu, weo kaseꞌise bhe Kristus mbadhantoomu seꞌise kaowu. Intaodiomu ini seemie-seemie dopokai-kai dembali katokano mbadha seꞌiseno naꞌa.

1 Korintus 10:16

Wakutuuno dofohoꞌuomu angguru poowa defoampe katumpuno lalo ne Lahataꞌala hampano kampohoꞌuꞌa anaꞌa, ingka tandanomo kaseꞌisentoomu bhe heano Kristus. Wakutuuno dopobheha-bhehaomu roti maka dohumaaꞌe, ingka tandanomo kaseꞌisentoomu bhe mbadhano Kristus.

Matius 13:21

Ampamo kaowu bhoasao aitu miina nakopahakaa weo totono lalondo sampe miina natumahaa. Sadeꞌawa kasabhano tawa kakadee-dee mbaꞌinomo doangkafi bhoasao maitu, lasao dohunsa kaparasaeando.