Yohanes 15:22 - Muna Southern Dialect

²² Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Yohanes 15:22 Referans Kwoze

Yohanes 9:41

Ambano Yesus, “Ane kotu-kotuꞌu mobuntoomu pae kodhosaomua, tamaka hampano ambamiu fowohaomu, dadiꞌanomo dhosamiu sadaa-daa.”

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Roma 1:20

Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Yohanes 12:48

Sasuka mokiido kanau bhe miina natumahima kafoinaꞌuku, nandoomo so humukumue. Wambakumo toka nepugauꞌao naꞌa, somo humukumue ne Oleono Kiama.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Lukas 12:46

Gahaꞌa kafeompuꞌano tambaꞌomo nahumato ne oleo tapa nepotu-potuluꞌao, ne tempo tapa nenamu-namu. Bhatua anaꞌa namehaakebhae, kahukumu napototoane bhe mie pata meangkano ne Lahataꞌala.

Yohanes 19:11

Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Yohanes 15:23

Sasuka bansino Idi nobansi dua Amaku.

Yohanes 15:24

Ane pae aehabuanda tanda tapa nehabu-habundo bhaindo, teteweimo pae dakodhosaa. Tamaka aitu dowohamo kosasawiꞌae tanda naꞌa, gahaꞌa sadaa-daa dobansi Idi bhe dobansi dua Amaku.

Yohanes 16:9

Namoꞌinsafuda putae kakodhosaꞌando, hampano miina damarasaea ne Idi.