Yohanes 15:15 - Muna Southern Dialect

¹⁵ Miinamo akumonakoomu bhatua, kapaꞌamo seemie bhatua miina namandeꞌaane nehabuno kafeompuꞌano. Tamaka akonakoomu sabhangka, hampano padamo afohatoangkoeꞌomu sabhaha nefetingkeku ne Amaku.

Yohanes 15:15 Referans Kwoze

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Yakobus 2:23

Pedamo naꞌa nokoꞌulamo bhoasao tibuhino weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda seemie banara.” Katikonaꞌanomo dua “Sabhangkano Lahataꞌala.”

Kolose 1:26

Bhihita aini ntini moꞌo-moꞌono taꞌumo nofebunie Lahataꞌala ne sabhaha sampuꞌa pomantulu-ntuluno, tamaka ampa aitu rahasia maitu nofohatoandaemo umatino.

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

Filemon 1:16

Aitu anoa suanomo seemie bhatua, tamaka nolaloiꞌemo, ingka nembalimo seemie bhahitiemu timoasiꞌaono. Sanginomo o idi aoasianemo, bhemo toha hintu. Tantumo moasiane, naetaa mbaꞌinomo mie bhaimu, naetaa mbaꞌinomo bhahitiemu weo Ompu.

Yohanes 17:26

Idi padamo afohatoandae laꞌae Hintu itu, maka amohatoda kansuhu, neanomo kaasimu ne Idi sadaa-daa weo totono lalondo bhe aseꞌise bhe andoa.”

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

Yohanes 4:19

Ambano hobhine anaꞌa, “Waompu, aitu apandeꞌaangkomo hintu ini seemie anabii.

Lukas 10:23

Pada aitu nodolikimo anaguhuꞌino bhe nopugau, “Kakodawuamiu hampano wohaomu newohamiu ampa aitu.

Yohanes 16:12

Nandoo nobhahi dua so nefohatoꞌaoku ne hintimiu, ampamo kaowu aitu paeꞌo sumodaiꞌeomua.

Roma 7:15

Kapaꞌamo miina alumosangie podiuku: metaaꞌano nepatudhuiku miina ahumabuea, gahaꞌa modaiꞌano nebansiku nehabukumo.

1 Korintus 2:16

⸤ Weo Kitabi notibuhi peda aini,⸥ “Laꞌae bhahaa mandeꞌaono fekihino Ompu? Laꞌae bhahaa so moinaꞌuno Ompu?” Tamaka intaodiomu ini, fekihintoomu ingka nopototomo bhe fekihino Kristus.