Yohanes 15:10 - Muna Southern Dialect

¹⁰ Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Yohanes 15:10 Referans Kwoze

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

1 Yohanes 5:3

Kapaꞌamo ane doasiꞌao Lahataꞌala, maꞌanano doangkafi sabhaha pahintano, bhe pahintano Lahataꞌala miina naobhiea.

1 Yohanes 2:5

Tamaka mie mangkafino bhoasaono Lahataꞌala, nosangkamo kanini kaasino ne Lahataꞌala. Aitumo katandaino dodadi doseꞌise bhe Lahataꞌala.

2 Petrus 2:21

Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.

Yohanes 8:29

Anoa tumudu kanau sadhia nopobhai kanau. Anoa miina nakumataho kanau amoisa, hampano sadhia akahadhaa posahataano bhe kapoindalono.”

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Yohanes 14:31

Ampamo kaowu kosasawiꞌae nakumadhadhia neanomo dhunia damandeꞌaane putae Idi aoasiꞌao Amaku bhe adhalangi sabhaha pahintano ne Idi. Ehemoomu, dokalaanaomu.”

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Yohanes 14:21

Sasuka mintahakino pahintaku bhe nodhalangie, anoamo itu moasi kanau. Sasuka moasi kanau naoasiane dua Amaku, o Idi aoasiane dua maka amotiwoha Wutoku ne anoa.”

1 Korintus 7:19

Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

1 Yohanes 2:3

Ane deangkaomu ne pahintano Lahataꞌala, ingka o katandainomo dopandeꞌaoꞌomu Lahataꞌala.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.