Yohanes 14:6 - Muna Southern Dialect

⁶ Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 14:6 Referans Kwoze

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Yohanes 10:9

Idimo ini fointo, sasuka dhumba mesuano noangka ne Idi nasumalamati, tanamesua tanalumimba naepoꞌawaꞌao oti nehumaano.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Yohanes 1:4

Bhoasao amaitu kamaiꞌaoꞌano dadi, dadimo amaitu meowano tilanga mbali manusia.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Yohanes 8:32

Mada aitu mandeꞌaaneomu kabanara, kabanaramo anaꞌa so mobebasikoomu.”

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

2 Yohanes 1:9

Sasuka tapa mintahakino kafoinaꞌuno Kristus tamaka nekapingkaane, miinamo naseꞌise bhe Lahataꞌala. Sasuka mintahakino kafoinaꞌu anaꞌa noseꞌise bhe Lahataꞌala Ama bhe Anano.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.

Yohanes 15:1

⸤ Ambano toha Yesus⸥ “Idimo ini puꞌuno angguru sakotuꞌuno, Amaku kopuuane.

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

1 Yohanes 2:23

Mie tapa mangakuno noparasaea ne Anano Lahataꞌala, miina dua naseꞌise bhe Amano. Mie mangakuno noparasaea ne Anano Lahataꞌala, tetewei dua noseꞌisemo bhe Amanoa.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 6:33

Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 6:57

Amaku, kamaiꞌaoꞌano dadi, Anoa tumudu kanau, kadadiꞌakumo. Pedamo dua anaꞌa sasuka momaano mbadhaku naeꞌawa dadi maiꞌao ne Idi.

1 Petrus 2:4

Dadiꞌanomo maꞌotiomu Ompu. Anoamo tapedamo kontu dumadino. Daanumo doꞌohoe manusia, tamaka nopilie Lahataꞌala mbali kontu sandi foliuno kakoharagaa.

Yohanes 10:7

Yesus nopugaumo toha ambano, “Amohatokoomu, kotu-kotuꞌu Idimo ini fointo kaangkaꞌando dhumba anaꞌa.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Kolose 3:4

Kristusmo ini kamaiꞌano dadintoomu; mada kaowu ane namotiwoha Wutono, hintimiu dua tetewei tiwohaomu bhe Anoa mesuaꞌomu weo kakalabhiano.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Roma 5:21

Kuasano dhosa noangka ne mate, tamaka ampa aitu rahamatino Lahataꞌala kokuasano hampano nofotahimamo peda mie banara. Rahamatimo aini meowano dadi suhue dhamani namangka ne Yesus Kristus Ompuntoomu.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

1 Yohanes 5:6

Yesus Kristus nomai we dhunia ini, nekadiu oe bhe hea. Anoa nohato miina kaowu naekadiu oe, tamaka nekadiu oe bhe hea. Sumakusiiane Rohino Lahataꞌala, kapaꞌamo Rohino Lahataꞌala miina nakopahaa.

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Kolose 2:17

Kosasawiꞌae naꞌa saneamo ondulano kumadhadhiaꞌano mada kaowu, gahaꞌa nokadhadhiamo nokoꞌulamo ne wutono Kristus.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Ibrani 9:8

Noangka ne atora aini Rohino Lahataꞌala nofekantaleaꞌiemo putae ane Boloku Mongkilo sadaa-daaꞌe, ingka kaangkaꞌa damesua weo Boloku Foliuno Kangkilo miinaꞌo natilengkaa.

Roma 15:16

Takaku ini ingka aembali mie umondofaono Kristus Yesus ne olotando sabhaha bansano liwu suano Yahudi. Aembalimo kanggetu seemie imamu meowano Bhihita Metaa maiꞌaono ne Lahataꞌala, neanomo sabhaha bansano liwu daembali kanggetu kapopanga titahimano ne Lahataꞌala bhe nefekangkilono Rohino Lahataꞌala.

Tula-tulando rasulu 9:2

nesalo suha kuasa. Suha anaꞌa namowae ne kamungkulaꞌi mandeꞌaono lambu kasambaheaꞌando miendo Yahudi we kotano Damsyik. Patudhuno ane napoꞌawaꞌao mie mangkafino Kaangkaꞌano Ompu Yesus namoꞌane nahobhine, naembali nahumakofida maka namosulida we Yerusalem.