Yohanes 14:28 - Muna Southern Dialect

²⁸ Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Yohanes 14:28 Referans Kwoze

Yohanes 14:18

Paise ahumunsakoomu nada anaꞌi moꞌelu, tetewei asumulikikoomu.

Yohanes 20:21

Nopugaumo toha Yesus ambano, “Katohopono dadi so hintimiu! Pedamo Amaku notudu kanau, atudukoomu dua kumalaomu.”

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

1 Korintus 11:3

Tamaka gaoku mandeꞌaaneomu dua sehondano ini, putae sasuka moꞌane nofefotuane Kristus, sasuka hobhine nofefotuane moꞌaneno, maka Kristus nofefotuane Lahataꞌala.

Yohanes 16:7

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu.

Yohanes 14:12

Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.

Yohanes 10:38

Tamaka ane ahumabue, gahaꞌa nandoo mongaheomu marasaeaꞌomu ne Idi, taparasaeamoomu ne kahadhaaku itu. Ane nada anaꞌa mandeꞌaaneomu bhe lumosangieꞌomu ingka Amaku noseꞌise bhe Idi, o Idi aseꞌise bhe Amaku.”

Yohanes 5:18

Dofetingke peda maitu miendo Yahudi tanodhulu dokopatudhu damongkoe, suano kaowu nelempagi tubhono oleono Sabat, tamaka mbaꞌinomo nokona Lahataꞌala Amano, maꞌanano nopototoꞌao wutono bhe Lahataꞌala.

Matius 12:18

⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Yohanes 7:33

Ambano Yesus, “Paemo naomponaa aeate bhe hintimiua, mada anaꞌa asumulimo te Tumudu kanau.