Yohanes 14:20 - Muna Southern Dialect

²⁰ Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 14:20 Referans Kwoze

Yohanes 17:26

Idi padamo afohatoandae laꞌae Hintu itu, maka amohatoda kansuhu, neanomo kaasimu ne Idi sadaa-daa weo totono lalondo bhe aseꞌise bhe andoa.”

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

1 Yohanes 4:12

Miinaꞌo bhe mohano Lahataꞌala, tamaka ane dapomoa-moasiꞌao, Lahataꞌala naseꞌise bhe intaodiomu maka kanini kaasino nasumangka weo totono lalontoomu.

Yohanes 14:10

Bhahaa miina marasaeaꞌa, Idi aseꞌise bhe Amaku bhe Amaku noseꞌise bhe Idi? Wambaku ne hintimiu miina namaiꞌao ne Wutoku, tamaka Amaku seꞌiseno bhe Idi, Anoamo humabuno kahadhaano.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Yohanes 10:38

Tamaka ane ahumabue, gahaꞌa nandoo mongaheomu marasaeaꞌomu ne Idi, taparasaeamoomu ne kahadhaaku itu. Ane nada anaꞌa mandeꞌaaneomu bhe lumosangieꞌomu ingka Amaku noseꞌise bhe Idi, o Idi aseꞌise bhe Amaku.”

2 Korintus 13:5

Tiisangi totono lalomiu bhahaꞌi kotu-kotuꞌu parasaeaꞌomu ne Kristus. Udhi wutomiu! Miina mandeꞌaaneomu gahaꞌa putae Kristus Yesus nodadi weo totono lalomiu? Ane pae nada naꞌa, ingka miina mooliomu kaꞌudhi anaꞌa.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Yohanes 16:26

Oleo anaꞌa hintimiu mesaloomu weo neaku. Naetaa mandeꞌaaneomu suano Idia so mesaloangkoomu ne Amaku.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

Kolose 1:19

Kapaꞌamo noposahataa bhe kapoindalono Lahataꞌala, bhahi-bhahiꞌae sifatino Lahataꞌala nosangka dua ne Kristus Anano.

Yohanes 6:56

Sasuka momaano dhagiku bhe mohoꞌuno heaku noseꞌisemo bhe Idi, o Idi aseꞌisemo dua bhe anoa.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Yohanes 17:11

Idi paemo aeate we dhunia ini, asumulimo te Hintu, tamaka andoa sadaa-daa we dhunia. O Hintu Amaku mongkilono, dambaꞌaanda weo kuasano neamu, kuasa kawaꞌaomu ne Idi, neanomo andoa daseꞌise nada Intaodi doseꞌise.

Yohanes 16:23

Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Yohanes 17:7

Aitu andoa dopandeꞌaanemo kosasawiꞌae kawaꞌaomu ne Idi, nomaiꞌao ne Hintu.

2 Korintus 12:2

Apandeꞌaane seemie sarani, ompulu fato taꞌu kumundoꞌano maitu notisangke te lani katolu sunsuno, ⸤ maꞌanano surugaa⸥ . (Miina amandeꞌaanea bhahaꞌi kotu-kotuꞌu mbadhano tisangkeꞌano bhahaꞌi weo powoha kaowu, ampamo wutono Lahataꞌala mandeꞌaane).

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Roma 16:7

Salam so Andronikus bhe Yunias, miendo Yahudi medano dua idi. Padamo dua dotitohongku poowa bhe idi. Dotilentu rasuluꞌi tiangkano, dopaꞌindulu doparasaea andoa ne Kristus bhe idi.

Yohanes 14:11

Parasaea kanauꞌomu, Idi aseꞌise bhe Amaku, Amaku noseꞌise bhe Idi. Tamaka ane pae marasaeaꞌomu, somo kandaino taparasaeamoomu hampano kahadhaa nehabuku.