Yohanes 14:18 - Muna Southern Dialect

¹⁸ Paise ahumunsakoomu nada anaꞌi moꞌelu, tetewei asumulikikoomu.

Yohanes 14:18 Referans Kwoze

Yohanes 14:3

Mada kaowu akumala aefontaa-ntaaꞌangkoomu kaeateꞌa, asumuli aꞌumuleikoomu, neanomo ne amai kaeateꞌaku, somo dua kaeateꞌamiu.

Matius 18:20

Kapaꞌamo ane dohodua tawa dototolu dopohompu-hompu weo neaku, bhemo dua Idi ne itu.”

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Ibrani 2:18

Hampano wutono Yesus padamo nokadee-dee weo sabhaha kasoba neꞌawano, maka Anoa nembali netulumi mie meꞌawano kasoba.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Yohanes 16:16

“Tana sebantaha paemo moha kanauꞌomu, tamaka tana sebantaha toha moha kanaumoomu dua.”