Yohanes 14:10 - Muna Southern Dialect

¹⁰ Bhahaa miina marasaeaꞌa, Idi aseꞌise bhe Amaku bhe Amaku noseꞌise bhe Idi? Wambaku ne hintimiu miina namaiꞌao ne Wutoku, tamaka Amaku seꞌiseno bhe Idi, Anoamo humabuno kahadhaano.

Yohanes 14:10 Referans Kwoze

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 10:38

Tamaka ane ahumabue, gahaꞌa nandoo mongaheomu marasaeaꞌomu ne Idi, taparasaeamoomu ne kahadhaaku itu. Ane nada anaꞌa mandeꞌaaneomu bhe lumosangieꞌomu ingka Amaku noseꞌise bhe Idi, o Idi aseꞌise bhe Amaku.”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Yohanes 10:30

Idi bhe Amaku taseꞌise.”

Yohanes 8:28

Ambano Yesus, “Mada kaowu sumangkeomu Anano Manusia te melangkeꞌano, kaneꞌomo mandeꞌaaneomu Idimo ini nekonando idi ndumandoono. Mandeꞌaanemoomu dua Idi ini miina akonihabu aeala kapooli ne Wutoku, tamaka apugauꞌao sabhaha nefoinaꞌuꞌaono Amaku ne Idi.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 5:17

Tamaka Yesus tanopugau ambano, “Amaku nokahadhaa kansuhu taꞌampamo aitu, dadiꞌanomo Idi akahadhaa dua.”

1 Yohanes 5:7

Kapaꞌamo sumakusiino nandoo tolu ise: Rohino Lahataꞌala, o oe bhe heano. Kotolu iseꞌae sehonda-honda nesakusiiꞌaondo.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Yohanes 8:38

Newohaku ne Amaku, aituꞌaemo dua nepugauꞌaoku. Pedamo dua naꞌa hintimiu, nefetingkemiu ne amamiu, anaꞌamo nehabumiu.”

Kolose 1:19

Kapaꞌamo noposahataa bhe kapoindalono Lahataꞌala, bhahi-bhahiꞌae sifatino Lahataꞌala nosangka dua ne Kristus Anano.

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 7:16

Nopugaumo Yesus ne andoa ambano, “Kafoinaꞌuku ini miina namaiꞌao ne Wutoku, tamaka nomaiꞌao ne Tumudu kanau.

Yohanes 8:40

Ingka pada afohatoangkoomu kabanara nefetingkeku ne Lahataꞌala, gahaꞌa hintimiu kopatudhu mongko kanauꞌomu. Abraham miina naehabu medando ini.

Yohanes 11:26

Sasuka mie dumadi marasaeano ne Idi paise namatea suhue dhamani. Parasaea kaa miina?”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 14:11

Parasaea kanauꞌomu, Idi aseꞌise bhe Amaku, Amaku noseꞌise bhe Idi. Tamaka ane pae marasaeaꞌomu, somo kandaino taparasaeamoomu hampano kahadhaa nehabuku.

Yohanes 14:24

Sasuka tapa moasi kanau, paise dua namangkafi wambaku. Gahaꞌaitumo wamba nefetingkemiu itu suano wambaku Wutoku, tamaka wambano Amaku tumudu kanau.