Yohanes 12:8 - Muna Southern Dialect

⁸ Mie mokae sadhia dapobhai bhe hintimiu, tamaka Idi paise aeate kansuhu bhe hintimiua.”

Yohanes 12:8 Referans Kwoze

Markus 14:7

Ingka o mie mokae sadhia deate bhe hintimiu, ane moindaloomu sadhia naembali tumulumidaomua. Tamaka Idi ini pae aeate kansuhua bhe hintimiu.

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Matius 26:11

Mie mokae sadhia dapobhai bhe hintimiu, tamaka Idi ini pae aeate kansuhu bhe hintimiua.

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

Yohanes 8:21

Yesus nopugaumo toha ne mie bhahi ambano, “Mada kaowu akumala, hintimiu umondofi kanauꞌomu tamaka tamomateomu weo dhosamiu, paise mooliomua maiꞌomu we kakalaꞌaku.”