Yohanes 12:47 - Muna Southern Dialect

⁴⁷ Ane dofetingke kafoinaꞌuku, tamaka miina damangkafie paise ahumukumue Idi, kapaꞌamo kahatoꞌaku paise ahumukumu dhunia ini, tamaka amosalamatie.

Yohanes 12:47 Referans Kwoze

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 12:48

Sasuka mokiido kanau bhe miina natumahima kafoinaꞌuku, nandoomo so humukumue. Wambakumo toka nepugauꞌao naꞌa, somo humukumue ne Oleono Kiama.

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Yohanes 5:45

Koise kofekihiomu Idi aobhieangkoomu ne Amaku; so mobhieangkoomu anabii Musa, kapaꞌamo anoamo neposahunaꞌaomiu.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Lukas 9:56

Pada aitu dokalamo we liwu sigaoꞌano.

Matius 18:11

[Kapaꞌamo Anano Manusia nomai namosalamati kolilinono totono lalo].”