Yohanes 12:40 - Muna Southern Dialect

⁴⁰ ⸤ Ambano Lahataꞌala,⸥ “Padamo afekabuntoda bhe asongko totono lalondo, keana dofowohaꞌao matando bhe dolosangiꞌao totono lalondo. Dadiꞌanomo paise dadumoli se Idi maka amekaꞌosada.”

Yohanes 12:40 Referans Kwoze

Lukas 8:10

Anoa notobhoosidamo ambano, “Hintimiu dowaꞌangkoomu kadawu so mandeꞌaoꞌomu rahasiano Kafopahintaꞌano Lahataꞌala, tamaka mie sigaoꞌano dofohatoda weo kapalenda, neanomo mahingga daꞌumondo-ondoe pae damohaea, mahingga dametingke pae dalumosangiea.

Markus 4:12

neanomo ‘mahingga daꞌumondo-ondoe, paise damohae; mahingga dametingke paise dalumosangiea. Kanandooꞌano peda anaꞌa keana dodoli ne Lahataꞌala, keana dua noꞌamponida.’ ”

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Yohanes 9:39

Ambano Yesus, “Kahatoꞌaku we dhunia ini so afobhotusiꞌao, neanomo sasuka tapa mohano nafowoha, sasuka fowohano naobunto.”

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Roma 9:18

Dadiꞌanomo Lahataꞌala nofotiwohamo kabhelano lalono ne laꞌae maka nepoindalono, mie sigaoꞌano nohabuda dekatuꞌa fotu, laꞌae maka nepoindalono.

Tula-tulando rasulu 28:26

⸤ Ambano Lahataꞌala ne Yesaya,⸥ ‘Kalamo ne liwu aini maka fohatoda, ‘Hintimiu safeti-fetingke, tamaka pae melosangiomua, sawoha-woha tamaka pae konipandeꞌaoꞌomua.

Matius 15:14

Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Markus 6:52

Kapaꞌamo mahingga dowohaemo, miinaꞌo dalumosangie maꞌanano nehabuno Yesus ne lima onu roti maitu, notosungku fekihindo.

Yohanes 12:39

Pedamo anaꞌa tapa kaembaliꞌando doparasaea, kapaꞌamo Yesaya padamo nopugau dua peda aini,