Yohanes 10:36 - Muna Southern Dialect

³⁶ noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 10:36 Referans Kwoze

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Yohanes 19:7

Ambado miendo Yahudi, “Insaodi bhe tubhono agama mani; ane damangkafi tubho anaꞌa, tetewei namate mbaꞌinomo nokona wutono Anano Lahataꞌala.”

Yohanes 17:21

Aesalo sio-siomo kosasawindo daseꞌise, peda Hintu Ama seꞌise bhe Idi, Idi aseꞌise bhe Hintu. Sio-siomo dua daseꞌise bhe Intaodi, neanomo dhunia damarasaea Hintumo tumudu kanau.

Yohanes 17:18

Pedamo Hintu tudu kanau we dhunia, Idi atududamo dua ne dhunia.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Yohanes 6:57

Amaku, kamaiꞌaoꞌano dadi, Anoa tumudu kanau, kadadiꞌakumo. Pedamo dua anaꞌa sasuka momaano mbadhaku naeꞌawa dadi maiꞌao ne Idi.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Matius 27:43

Ingka noposahunaꞌao ne Lahataꞌala. Ane namoindaloe, naetaamo Lahataꞌala so mosalamatie. Kapaꞌamo padamo nopugau, ‘Idi ini Anano Lahataꞌala.’ ”

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Yohanes 10:35

Ingka dopandeꞌaanemo wambano Kitabi nolaku ampa suhue dhamani. Dadiꞌanomo, ane andoa tumahimano bhoasaono naꞌa nokonada kalaha-lahataꞌala,