Yohanes 10:29 - Muna Southern Dialect

²⁹ Kapaꞌamo Amaku maꞌa kanau andoa maitu, nofofoliu kabhalano kuasano. Dadiꞌanomo bhe naseemie pae bhe so mondoino so magoida ne limano Amaku.

Yohanes 10:29 Referans Kwoze

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 17:9

Idi asambahea so andoa. Miina asumambahea so dhunia, tamaka so andoa newaꞌaomu ne Idi, kapaꞌamo andoa maitu fehebuaꞌamu.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 14:28

Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.

Yohanes 17:11

Idi paemo aeate we dhunia ini, asumulimo te Hintu, tamaka andoa sadaa-daa we dhunia. O Hintu Amaku mongkilono, dambaꞌaanda weo kuasano neamu, kuasa kawaꞌaomu ne Idi, neanomo andoa daseꞌise nada Intaodi doseꞌise.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Yohanes 10:30

Idi bhe Amaku taseꞌise.”