Yohanes 10:25 - Muna Southern Dialect

²⁵ Notobhoosidamo ambano, “Ingka padamo afohatokoomu, tamaka miina marasaeaꞌomu. Sabhaha kahadhaa nehabuku weo neano Amaku, aituꞌaemo ingka sanea sakusiiku.

Yohanes 10:25 Referans Kwoze

Yohanes 10:38

Tamaka ane ahumabue, gahaꞌa nandoo mongaheomu marasaeaꞌomu ne Idi, taparasaeamoomu ne kahadhaaku itu. Ane nada anaꞌa mandeꞌaaneomu bhe lumosangieꞌomu ingka Amaku noseꞌise bhe Idi, o Idi aseꞌise bhe Amaku.”

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

Yohanes 14:11

Parasaea kanauꞌomu, Idi aseꞌise bhe Amaku, Amaku noseꞌise bhe Idi. Tamaka ane pae marasaeaꞌomu, somo kandaino taparasaeamoomu hampano kahadhaa nehabuku.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Yohanes 20:30

Daanumo nandoo nobhahi tanda-tanda sigaoꞌano nehabuno Yesus ne wisendo anaguhuꞌino, tamaka miina natibuhi weo Kitabi aini.

Yohanes 12:37

Mahinggamo Yesus nobhahimo sepaliꞌa nofotiwohaanda tanda timenteꞌaono, tamaka miina dua damarasaea ne Anoa.

Yohanes 11:47

Dadiꞌanomo neangkaꞌindo imamu bhe miendo Farisi dofohompumo Sahano Agama bhe dopugau ambado, “Daeafaꞌimoomu bhahaa? Ingka mie amaitu nobhahi sepaliꞌa nehabu tanda timenteꞌaono.

Yohanes 10:32

Tamaka ambano Yesus, “Nobhahi habu metaa nefotakano Amaku padamo afotiwohaangkoeꞌomu. Habu medando ae bhahaa so katibhatuhiꞌaku?”

Yohanes 8:24

Kapugauꞌakumo saꞌituini, ‘Hintimiu mateomu weo dhosamiu’, kapaꞌamo ane pae marasaeaꞌomu Idimo ini nekonando Idi ndumandoono, hintimiu mateomu weo dhosamiu.”

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Yohanes 7:31

Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Yohanes 8:56

Weo dadino, amamiu Abraham nowula lalono naembali namoha oleo kahatoꞌaku, ingka daanumo nowohaemo bhe noꞌia sepaliꞌa lalono.”

Yohanes 10:37

Ane pae ahumabu kahadhaano Amaku, koemo parasaeaꞌomua.