Yohanes 10:11 - Muna Southern Dialect

¹¹ Idimo ini dhagano dhumba metaano lalo. Dhaga metaano lalo nopotahoꞌao inawano so dhumbano.

Yohanes 10:11 Referans Kwoze

Yohanes 15:13

Miina nandumandoo kanini kaasi moliuno kanini kaasino seemie potahoꞌaono inawano so sabhangkaꞌino.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”

1 Yohanes 3:16

Dopandeꞌaaneomu maꞌanano kanini kaasi, hampano Kristus nopotahoꞌao inawano so intaodiomu. Dadiꞌanomo intaodiomu tabeano dua dahumelasi dapotahoꞌao inawanto so bhahitieꞌintoomu.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Yohanes 10:2

Tamaka mie mesuano noangka ne fointo anoamo itu dhagano dhumba.