Yohanes 1:51 - Muna Southern Dialect

⁵¹ Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Yohanes 1:51 Referans Kwoze

Tula-tulando rasulu 7:56

Nopugaumo Stefanus ambano, “Soba ondoomu, awoha lani notilengka bhe Anano Manusia neehe-ehe ne sohihino Lahataꞌala.”

Lukas 22:43

Gahaꞌa nomaiꞌiemo seemie malaꞌekati nomaiꞌao te lani nofekatangka lalono.

Lukas 2:13

Tambaꞌomo notiwoha dua setagua bhalano malaꞌekati sigaoꞌano dolibu-libu malaꞌekati saꞌituini. Andoa dopudhi Lahataꞌala ambado,

Markus 14:62

“Anoamo,” ambano Yesus, “maka mada kaowu, mohaomu Anano Manusia - Idimo ini - naengkoha ne suanano Lahataꞌala kokuasano, mohaeꞌomu dua namai te wunta-wuntano olu te lani.”

Markus 1:10

Safonino nomaiꞌao weo umele, Yesus nowohamo lani nomoengka, maka Rohino Lahataꞌala nosampu te potalaꞌano nokatu futeꞌo.

Matius 3:16

Pada nokadiuꞌe, Yesus lasao nolimba maiꞌao weo oe, gahaꞌa tanosimoengkaꞌamo lani maka nowoha Rohino Lahataꞌala nokatu futeꞌo, nosampu te wawono.

Tula-tulando rasulu 10:11

Nowohamo lani notilengka maka bhe sibuluno, kabeanga o bhandu notikantai kofatosikuaꞌae nosampu we wite.

Lukas 3:21

Nopalusi kosasawindo mie naꞌa nokadiuda, Yohanes nokadiumo dua Yesus. Gahaꞌa tangasano Yesus nosambahea, tanosimoengkaꞌamo lani,

Matius 4:11

Panda-pandano Yesus nohunsaemo Kafeompuꞌando seetani, maka dohatomo malaꞌekati doꞌondofaane.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 4:1

Palusi anaꞌa akopowohamo toha. Nandoo fointo te surugaa notilengka. Suaha nefetingkeku kabhao-bhaono, mugauno ne idi pasae ndiino duhulele bhalano, nopugaumo toha ambano, “Foni te ini, amosusuangko so tetewei kumadhadhiaꞌano mada kaowu.”

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.

Lukas 2:9

Tambaꞌomo seemie malaꞌekatino Ompu neehe-ehe ne owando maka tilangano kakalabhiano Ompu tanohehamo nokaputida sampe doteꞌi sepaliꞌa.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Yohanes 10:1

Nopugaumo Yesus ambano, “Amohatokoomu, kotu-kotuꞌu sasuka mesuano weo katondono dhumba miina namangka ne fointo, tamaka nekamponea pagala, mie aitu kasoꞌo bhe karampasi.

Lukas 22:69

Notandamo aitu Anano Manusia nengkohamo ne suanano Lahataꞌala kokuasano.”

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

2 Tesalonika 1:9

Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

Yohanes 14:12

Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Lukas 24:4

Tangasano detongo-tongoꞌao kadhadhia amaitu, tambaꞌomo nandoo mie dohodua deehe-ehe ne owando, pakeando nokosilo.

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

Yohanes 6:32

Ambano Yesus, “Amohatokoomu, kotu-kotuꞌu suano anabii Musa maꞌangkoomu roti maiꞌaono te surugaa, tamaka Amaku maꞌangkoomu roti sakotuꞌuꞌano maiꞌaono te surugaa.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Yohanes 16:20

Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

Yohanes 10:7

Yesus nopugaumo toha ambano, “Amohatokoomu, kotu-kotuꞌu Idimo ini fointo kaangkaꞌando dhumba anaꞌa.

Yohanes 6:53

Ambano Yesus, “Amohatokoomu, kotu-kotuꞌu ane pae momaaꞌomu dhagino Anano Manusia bhe mohoꞌuomu heano pae bhe dadi weo totono lalomiu.

Yohanes 5:27

Pedamo dua anaꞌa padamo nowaꞌane kuasa so nafobhotusiꞌao, hampano Anoa Anano Manusia.

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Matius 9:6

Amotiwohaangkoomu Anano Manusia - Idimo ini - nokokuasa neꞌamponi dhosa te dhunia ini.” Maka nopugau ne kalu naꞌa, “Wanuꞌo toha, sangke kaodoꞌamu itu maka suli se lambumu.”

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Yohanes 16:23

Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Yohanes 13:38

Notobhoosimo Yesus, “Hintu momate kanau? Kotu-kotuꞌu amohatoko, paeꞌo nakumakuhua manu, natolu pakumo gumaga miina mandeꞌa kanau.”

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

Yohanes 8:34

Ambano Yesus, “Amohatokoomu, kotu-kotuꞌu sasuka mehabuno dhosa, anoamo bhatuano dhosa.

Yohanes 6:26

Yesus notobhoosida ambano, “Amohatokoomu, kotu-kotuꞌu hintimiu ondofi kanauꞌomu suano mbaꞌinomo losangiomu maꞌanano tanda timenteꞌaono, tamaka mbaꞌinomo padamo humaaꞌomu roti ampa moweꞌiomu.

Yohanes 1:50

Ambano Yesus, “Ingka padamo afohatoko awohako we pandano puꞌuno ara. Kaparasaeaꞌamumo bhahaa? Namada kaowu sadhulu kabhala kadhadhia so newohamu.”