Yohanes 1:33 - Muna Southern Dialect

³³ Wakutuu anaꞌa idi miinaꞌo dua amandeꞌaanea bhahaꞌi laꞌae Anoa maitu. Tamaka Lahataꞌala tumudu kanau afokadiuꞌao oe tokamo nokobhoasao ne idi ambano, ‘Ane moha Rohino Lahataꞌala nasumampu maka naeate te wawono seemie, Anoamo itu so fokadiuꞌaono Rohino Lahataꞌala.’

Yohanes 1:33 Referans Kwoze

Tula-tulando rasulu 1:5

Kapaꞌamo Yohanes nofokadiuꞌao oe, tamaka paemo naomponaa hintimiu dakumadiuangkoomu Rohino Lahataꞌala.”

Lukas 3:16

Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Yohanes 1:31

Kabhao-bhaono miina dua amandeꞌaanea bhahaꞌi laꞌae Anoa maitu, tamaka patudhuno kahatoꞌaku ini afokadiuꞌao oe, neanomo Anoa amotiwohaandae miendo Israel.”

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.