Yohanes 1:31 - Muna Southern Dialect

³¹ Kabhao-bhaono miina dua amandeꞌaanea bhahaꞌi laꞌae Anoa maitu, tamaka patudhuno kahatoꞌaku ini afokadiuꞌao oe, neanomo Anoa amotiwohaandae miendo Israel.”

Yohanes 1:31 Referans Kwoze

Lukas 1:17

Anoa namaꞌinduluki Ompu, rohino bhe kuasano napototo bhe anabii Elia. Namodoli lalondo kamungkula ne anaꞌindo bhe namodoli totono lalondo mie pata meangkano ne fekihindo mie banara. Nadamo naꞌa naefontaa-ntaa umati mantasiꞌano so tumahimano Ompu.”

Yohanes 1:33

Wakutuu anaꞌa idi miinaꞌo dua amandeꞌaanea bhahaꞌi laꞌae Anoa maitu. Tamaka Lahataꞌala tumudu kanau afokadiuꞌao oe tokamo nokobhoasao ne idi ambano, ‘Ane moha Rohino Lahataꞌala nasumampu maka naeate te wawono seemie, Anoamo itu so fokadiuꞌaono Rohino Lahataꞌala.’

Yohanes 1:7

Anoa ini nomai nosakusiiꞌao tilanga amaitu, neanomo kosasawindo manusia dametingke bhihitano bhe damarasaea ne tilanga.

Matius 3:6

Mie andoa ini dekapuna domangakuꞌao dhosando maka nokadiuda Yohanes we umeleno Yordan.

Tula-tulando rasulu 19:4

Ambano toha Paulus, “Kakadiuno Yohanes katandaino o mie dofetompaꞌao podiu modaindo, tamaka ambano Yohanes ne mie bhahi, tabeano damarasaea ne mie so maino namalusi anoa, nopulaoꞌao Yesus.”

Matius 3:13

Wakutuu anaꞌa nohatomo Yesus we umeleno Yordan nomaiꞌao we Galilea, nefekadiu ne Yohanes.

Yohanes 1:30

Anoamo nepulaoꞌaoku wakutuu apugau, ‘Anoamo so humatono namada idi; tamaka sakotuꞌuno nofoliu kanau Anoa, kapaꞌamo nonandoomo wawo Anoa bhe idi.’

Yohanes 1:32

Yohanes nosakusiiꞌao dua newohano, “Idi awoha Rohino Lahataꞌala nosampu nomaiꞌao te lani nokatu futeꞌo maka neate te wawono.