Yohanes 1:19 - Muna Southern Dialect

¹⁹ Neangkaꞌindo miendo Yahudi we Yerusalem detudumo seemie hodua imamu bhe sampuꞌano Lewi, ⸤ o palima-limano imamu⸥ . dakumala ne Yohanes maka dofeena ambado, “Laꞌae bhahaa hintu ini?”

Yohanes 1:19 Referans Kwoze

Yohanes 10:24

Miendo Yahudi dolibue bhe dopugau ambado, “Tana seꞌae kaomponanoa kumataho kainsami tapoibhaha peda ini? Ane hintumo ini Mesias Omputo Fosalamatino fohato kainsami mentalea-mentalea.”

Tula-tulando rasulu 19:4

Ambano toha Paulus, “Kakadiuno Yohanes katandaino o mie dofetompaꞌao podiu modaindo, tamaka ambano Yohanes ne mie bhahi, tabeano damarasaea ne mie so maino namalusi anoa, nopulaoꞌao Yesus.”

Tula-tulando rasulu 13:25

Nomaꞌo kaowu namooli takano, nopugaumo Yohanes ambano, ‘Dukuno lalomiu laꞌae bhahaa idi ini? Idi ini suano mie nentaa-ntaamiu itu, tamaka akumundo idi nahumatomo. O idi mahingga alumense katapuno kaampini ne aꞌeno pae amantasia.’

Yohanes 2:18

Miendo Yahudi dofoewa Yesus ambado, “Motiwoha kainsami tanda timenteꞌaono medano ae bhahaa so katandaino hakumu mehabu peda itu?”

Yohanes 5:10

Dadiꞌanomo miendo Yahudi dopugaumo ne mie nefekaꞌosa maitu ambado, “Oleo aitu oleono Sabat, weo tubhono agamantoomu ingka pae naembalia tumongku kampasimu.”

Yohanes 6:52

Dofetingke peda anaꞌa, miendo Yahudi dopotaga-tagalimo sapada-pada andoa ambado, “Nada amai bhahaa mie aini nafowaꞌao dhagino so daomaaꞌomu?”

Yohanes 6:41

Miendo Yahudi dopokapamu-pamuhumo ne Yesus mbaꞌinomo pada nopugau, “Idimo ini roti sumampuꞌano maiꞌao te surugaa.”

Yohanes 1:7

Anoa ini nomai nosakusiiꞌao tilanga amaitu, neanomo kosasawindo manusia dametingke bhihitano bhe damarasaea ne tilanga.

Yohanes 2:20

Dopugaumo miendo Yahudi ambado, “Fato fulu nomo taꞌu kaomponano Lambuno Lahataꞌala ini dofoehee maka dotokae, gahaꞌa hintu moehee natolu oleo kaowu?”

Yohanes 5:15

Mie amaitu nolimbamo maka nofohato miendo Yahudi putae Yesusmo maitu mekaꞌosae.

Yohanes 5:16

Dadiꞌanomo miendo Yahudi dofekasabhamo Yesus, hampano nehabu peda maitu ne oleono Sabat.

Yohanes 5:18

Dofetingke peda maitu miendo Yahudi tanodhulu dokopatudhu damongkoe, suano kaowu nelempagi tubhono oleono Sabat, tamaka mbaꞌinomo nokona Lahataꞌala Amano, maꞌanano nopototoꞌao wutono bhe Lahataꞌala.

Yohanes 7:1

Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Yohanes 7:11

Kaomponano hohaeaꞌa naꞌa miendo Yahudi sadhia doꞌondofi Yesus ambado, “Ne amaiꞌe bhahaa?”

Yohanes 7:15

Miendo Yahudi tadomente ambado, “Peda amai mie anoa ini nopande peda ini, ingka miina nakosikolaa!”

Yohanes 8:22

Ambado miendo Yahudi, “Namongkomo wutono itu bhahaa, kapaꞌamo ambano, pae damooliomua dakumalaomu we kakalaꞌano?”

Yohanes 8:48

Dotobhoosimo miendo Yahudi ne Yesus ambado, “Ingka nokotuꞌumo pugau mania, hintu itu miendo Samaria nopesuakikomo seetani.”

Yohanes 8:52

Ambado miendo Yahudi, “Aitu tapandeꞌaanemo mpuu nopesuakikomo seetani, kapaꞌamo Abraham nomatemo, pedamo dua kosasawindo anabii, tamaka ingka hintu pugau sasuka mangkafino pugaumu pae naenamisi mate ampa suhue dhamani.

Yohanes 8:57

Ambado dua miendo Yahudi, “Umuhumu miinaꞌo nakumapoa bhe lima fulu taꞌu, wohamo dua Abraham?”

Yohanes 10:31

Miendo Yahudi desangkemo toha kontu dabhatuhi Yesus.

Yohanes 11:19

Ne itu dobhahi miendo Yahudi toka humatono dolawesi Marta bhe Maria aino, hampano isando mateno maitu.

1 Yohanes 1:5

Ainimo bhihita nefetingke mani ne Yesus Kristus bhe nefosampe mani ne hintimiu: Lahataꞌala maitu o tilanga, ne Lahataꞌala miina sepaliꞌa bhe kahohondoa.