Yohanes 1:12 - Muna Southern Dialect

¹² Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Yohanes 1:12 Referans Kwoze

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Roma 8:14

Kosasawindo mie mangkafino kaatono Rohino Lahataꞌala, ingka anaꞌinomo Lahataꞌala.

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

Kolose 2:6

Ingka tahimaemoomu Kristus Yesus nembali Ompumiu. Dadiꞌanomo podiumiu tabeano napoangkafi bhe kapoindalono, kapaꞌamo seꞌisemoomu bhe Kristus.

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

2 Petrus 1:4

Pedamo anaꞌa Lahataꞌala nowaꞌa kaitaomu sabhaha dhandino koharagaano bhe foliuno kakalabhia. Hampano dhandi anaꞌa lapamoomu ne sabhaha kapoindalo fodai-daino ne dhunia ini, maka mealaomu dawu weo sifatino Lahataꞌala.

Matius 12:21

Anoamo so kaposahunaꞌaondo sabhaha bansano liwu.”

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Yohanes 11:52

Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.

Yohanes 1:7

Anoa ini nomai nosakusiiꞌao tilanga amaitu, neanomo kosasawindo manusia dametingke bhihitano bhe damarasaea ne tilanga.

Matius 18:5

Laꞌae tumahimano anaꞌi kahobu medando ini weo neaku, anoa notahimamo Idi.”

Yohanes 2:23

Tangasano Yesus we Yerusalem ne hohaeaꞌano Paska dobhahi mie marasaeano ne Anoa, hampano dowohamo tanda timenteꞌaono nehabuno.

Yohanes 1:11

Anoa nohato ne liwuno wutono, tamaka saliwuno miina datumahimaea.

Roma 8:16

Wutono Rohino Lahataꞌala nopoowa bhe rohintoomu nofofohato putae intaodiomu ini anaꞌinomo Lahataꞌala.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.