Yakobus 5:9 - Muna Southern Dialect

⁹ Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.

Yakobus 5:9 Referans Kwoze

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.

Matius 24:33

Pedamo anaꞌa ane mohaemoomu kosasawiꞌae kadhadhia nepulaoꞌaoku saꞌituini pandeꞌaanemoomu, nomaꞌomo sepaliꞌa tempono, ingka te wisenomo fointo.

1 Petrus 4:9

Pofoti-fotiampeomu ne lambumiu, koise fedeeꞌomu ane bhe mengkahatono we lambumiu.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

1 Petrus 4:5

Tamaka namada kaowu andoa tetewei dapobhaloꞌao podiundo bhe Lahataꞌala, kapaꞌamo Lahataꞌala nokantaa-ntaamo nabhotusi mie dumadino bhe mateno.

Galatia 5:14

Kapaꞌamo kosasawiꞌae tubhono agama Yahudi nefoꞌonumo ne pahinta sehondano ini, “Moasiꞌao mie bhaimu peda kaasimu ne wutomu!”

1 Korintus 10:11

Bhahi-bhahiꞌae naꞌa nokadhadhia ne andoa so nembaliꞌao sandaha ne mie bhaindo. Bhahi-bhahiꞌae naꞌa notibuhi dua so kafodhaga ne intaodiomu dumadino ne pandano dhamani ini.

Markus 13:29

Pedamo dua aitu, mohaomu kaowu kadhadhia nepulaoꞌaoku saꞌituini, mandeꞌaanemoomu nomaꞌomo sepaliꞌa tempono, ingka te wisenomo fointo.

2 Korintus 9:7

Seemie-seemie tabeano nafowaꞌao ampa kahelasino wobhano handano, koise nokobuku lalono, koise dua hampano dofosuhue, kapaꞌamo Lahataꞌala noasiꞌao mie fowaꞌaono weo kawulano lalo.

Markus 6:19

Kaoleaꞌanomo lalono Herodias ne Yohanes, sampe nokopatudhu namongkoe, tamaka miina namooliea.

Powoha 3:20

Ondo itu, aeehe-ehe ne wiseno fointo bhe afeabha. Ane bhe so metingkeno suahaku maka nalumengka kanau, Idi amesua apoꞌawaane maka aomaa apombali bhe anoa, anoa naomaa napombali bhe Idi.

Yakobus 4:12

Gahaꞌaitu ampamo seemie mehabuno pahinta bhe bhitahakino manusia, Anoamo kokuasano nafosalamati bhe nafobinasa. Dadiꞌanomo laꞌae gahaꞌa hintu itu, sampe mokado bhitahaki bhahitiemu?

Yakobus 5:7

Dadiꞌanomo bhahitieꞌiku, kosabahaomu ampa oleo kahatoꞌano Ompu. Mesandahaomu ne mie mekaampono, kabhalano sabahando doantagi pehapi koharagaa maiꞌaono ne wite. Dosabaha kansuhu doantagi useno bhaha bhe useno timbu.

Yakobus 5:10

Bhahitieꞌiku, angkafiomu sandahano ana-anabii madano kosuahano weo neano Ompu. Andoa dokosabaha mpuu weo kakadee-deendo.