Yakobus 5:16 - Muna Southern Dialect

¹⁶ Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

Yakobus 5:16 Referans Kwoze

Matius 21:22

O ae maka dua nemesalomiu weo sambaheamiu, tetewei umawaeꞌomu, sumanomo kotu-kotuꞌu parasaeaꞌomu.”

Yohanes 9:31

Ingka dopandeꞌaaneomu Lahataꞌala miina naefetingke mie kodhosa, mpahinomo mie lumebeno dhumalangino kapoindalono.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Yohanes 3:22

Ane nada naꞌa, o ae maka nemesalonto tetewei daꞌumawae, hampano deangka ne pahintano Lahataꞌala bhe dehabu posahataaꞌano bhe lalono.

Tula-tulando rasulu 19:18

Dobhahi dua marasaeano domai domangakuꞌao dhosando ne wisendo mie bhahi, detula-tulaꞌao habun modaindo.

1 Tesalonika 5:17

Sambaheaꞌomu kansuhu.

Ibrani 12:13

Fekalaaꞌe kaangkaꞌano aꞌemu, neanomo aꞌemu mokempano itu paise natokulepea.

1 Tesalonika 5:25

Bhahitieꞌi, sambahea kainsamiomu bhe insaodi.

Matius 3:6

Mie andoa ini dekapuna domangakuꞌao dhosando maka nokadiuda Yohanes we umeleno Yordan.

Ibrani 13:18

Sambahea kainsamiomu. Tapandeꞌaanemo mpuu totono lalo mani kumatanga-tangano nongkilo, hampano kapoindalo mani ne ae maka dua sadhia tadumadi metaa.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Roma 5:19

Hampano habuno seemie pata meangkano ne Lahataꞌala, manusia bhahino dembali mie kodhosa, pedamo dua aitu hampano habuno seemie meangkano ne Lahataꞌala, manusia bhahino datumahimada nada mie banara.

Roma 3:10

Kapaꞌamo weo Kitabi notibuhi peda ini, “Miina bhe mie banara, maumo naseemie.

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Lukas 9:6

Pada anaꞌa anaguhuꞌino dokalamo doliligi sabhaha liwu defolele Bhihita Metaa bhe defekaꞌosa mie mosaki ne amai maka kahatoꞌando.

Markus 1:5

Pada aitu kosekadieꞌae Yudea bhe miendo kotano Yerusalem dosipumpumo dokala we Yohanes. Detula-tulamo doꞌakui dhosando maka nokadiuda Yohanes we umeleno Yordan.

Tula-tulando rasulu 8:24

Ambano Simon, “Mesalo kanauꞌomu kaꞌasi ne Ompu keana nokoꞌula pugaumu itu.”