Yakobus 5:11 - Muna Southern Dialect

¹¹ Andoa maitu ingka doabhidaomu dokodawua, kapaꞌamo dokampuu-mpuu dopotaami. Ingka fetingkeemoomu potaamino anabii Ayub. Pandeꞌaaneomu dua panda-pandano neꞌawa ae maiꞌao ne Ompu. Kanandooꞌano peda aini hampano Ompu nofoliu kamoasiꞌaono bhe kabhelano lalono ne manusia.

Yakobus 5:11 Referans Kwoze

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

Lukas 6:36

Mobhelaanda lalo mie bhaimu pedamo dua Amamu nofomobhelaꞌao lalo.”

Ibrani 10:39

Ampamo kaowu intaodiomu ini suano umati mesowo-sowono so binasano, tamaka intaodiomu ini umati marasaeano so meꞌawano dadi.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Efesus 2:4

Tamaka kapontalabhi-labhino maka rahamatino Lahataꞌala! Hampano kabhalano kanini kaasino ne intaodiomu,

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Lukas 1:50

Nopomantulu-ntulu nofotiwoha kabhelano lalono ne mie moteꞌino ne Anoa.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

1 Petrus 3:14

Tamaka mahinggamo kumadee-deeꞌomu hampano angkafiomu kapoindalono Lahataꞌala, ingka kodawuaꞌomu. Dadiꞌanomo koise moteꞌiomu ne laꞌae maka dua, koise tikendaomua.

Lukas 11:10

Kapaꞌamo sasuka mesalono naetahima, sasuka meꞌondofino naepoꞌawaꞌao, bhe sasuka mekatengkino fointo dalumengkaane.