Yakobus 4:17 - Muna Southern Dialect

¹⁷ Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

Yakobus 4:17 Referans Kwoze

Yohanes 9:41

Ambano Yesus, “Ane kotu-kotuꞌu mobuntoomu pae kodhosaomua, tamaka hampano ambamiu fowohaomu, dadiꞌanomo dhosamiu sadaa-daa.”

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

2 Petrus 2:21

Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.

Roma 1:32

Andoa dopandeꞌaane weo pahintano Lahataꞌala, mie humabuno bhahi-bhahiꞌae maitu nopantasimo damongkoe. Tamaka mahinggamo peda anaꞌa, tadohabumo kansuhu, bhahamoa dopoindaloe dua ane dohabue mie bhaindo.

Roma 7:13

Kaowu nokomaꞌana bhahaa metaaꞌano maitu neowa kanau mate? Tantumo miina! Ingka o dhosamo meowano mate, ⸤ suano tubhono agama⸥ . O dhosa nepake kaowu metaaꞌano naꞌa ⸤ maꞌanano tubhono agama⸥ neowa kanau mate, neanomo sifatino dhosa nentaleamo. Pedamo anaꞌa noangka ne pahintano agama, nokobukutiimo kaꞌosano kadaino dhosa.