Yakobus 3:16 - Muna Southern Dialect

¹⁶ Kapaꞌamo ne amai kanandooꞌano pokondu-konduaꞌao lalo bhe kafosibhalano wuto, ne itumo dua kanandooꞌano kahunggano liwu bhe sabhaha habu modai.

Yakobus 3:16 Referans Kwoze

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

1 Yohanes 3:12

Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

Galatia 5:20

desombai barahala, o wuhake, dopowengke-wengke, dopogiha-giha, nokondua lalondo, domansoꞌamaha, doꞌondofao kaowu kafaraluuno wuto, dopokante-kantee lalo, dopowala-wala,

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

Markus 3:25

Pedamo dua aitu, ane mie weo lambu seꞌonu pae daseꞌise, tamaka sadhia dapogiha-giha, polambu aitu pae natumahaa.