Yakobus 2:9 - Muna Southern Dialect

⁹ Tamaka ane mepoꞌala-alaꞌaoꞌomu mie, ingka mehabumoomu dhosa. Weo pahintano Lahataꞌala nentaleamo sepaliꞌa kodhosaomu, hampano mekangkalaꞌiomu pahinta.

Yakobus 2:9 Referans Kwoze

Yohanes 8:9

Dofetingke kaowu pugauno Yesus naꞌa, dokalamo seemie-seemie nopaꞌinduluanda foliuno kakamungkula. Panda-pandano Yesus tanomoisa bhe hobhine anaꞌa daa-daaꞌe ne kaeehe-eheꞌano.

1 Yohanes 3:4

Mie mehabuno dhosa nokangkalaꞌi pahintano Lahataꞌala, kapaꞌamo o dhosa ingka dokangkalaꞌi pahintano Lahataꞌala.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Yohanes 16:8

Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

Yohanes 8:46

Laꞌae bhahaa ne olotamiu itu so mefotiwohano bukutii putae Idi ini aehabu dhosa? Ane afohatoangkoomu kabanara, noafa miina marasaeaꞌomu ne Idi?

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

1 Korintus 14:24

Tamaka ane kosasawindo dakosuaha peda anabii, gahaꞌa dahumato dua mie tapaꞌo marasaeano tawa mie buꞌou, ingka pugaumiu kosasawimiu itu natumiisangi totono lalono sampe naꞌuminsafuane sabhaha dhosano.

Tula-tulando rasulu 10:34

Pada aitu nopugaumo Petrus ambano, “Kotu-kotuꞌu kaneꞌomo alosangie gahaꞌa Lahataꞌala miina napoꞌala-alaanda manusia.