Yakobus 2:25 - Muna Southern Dialect

²⁵ Ondo kaitaomu dua Rahab, o karambole maitu, notahima metaaꞌe Lahataꞌala hampano habuno. Ingka nofotiampe mata-matano tantara Israel te lambuno, maka notulumida dofilei doangka we kaangkaꞌa sigaoꞌano.

Yakobus 2:25 Referans Kwoze

Ibrani 11:31

Hampano kaparasaeano, Rahab, seemie karambole, miina nabinasa napoowa-owa bhe mie pata meangkano ne Lahataꞌala, mbaꞌinomo notahima metaada mata-mata miendo Israel.

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Matius 1:5

Salmon nokoanaꞌao Boas, neano inano Rahab. Boas nokoanaꞌao Obed, neano inano Rut. Obed nokoanaꞌao Isai.

Yakobus 2:22

Ne ini nentaleamo putae kaparasaeano seowaꞌa bhe habuno; hampano habuno kaparasaeano nosangkamo.

Yakobus 2:18

Tamaka bheanea nandoo dua mugauno, “Seemie nopasande ne kaparasaeano, seemie nopasande ne habuno.” Mie aitu atumobhoosie, “Soba fotiwoha kanau kaparasaeando mie tapa seowaꞌano bhe habundo. ⸤ Ingka miina nandumandooa.⸥ Tamaka o idi amotiwohaangko habu metaaku tandano kaparasaeaku.”

Tula-tulando rasulu 17:7

Yason notahimada weo lambuno. Andoa ini dopuli doewangi adhati netubhono Omputo Kaisar kapaꞌamo ambado nandoo omputo sigaoꞌano nekonando Yesus.”

Yakobus 2:24

Dadiꞌanomo nentaleamo sepaliꞌa putae seemie notahima metaaꞌe Lahataꞌala hampano habuno, suano kaowu taꞌo kaparasaeano.