Yakobus 2:23 - Muna Southern Dialect

²³ Pedamo naꞌa nokoꞌulamo bhoasao tibuhino weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda seemie banara.” Katikonaꞌanomo dua “Sabhangkano Lahataꞌala.”

Yakobus 2:23 Referans Kwoze

Galatia 3:6

Ingka pedamo tibuhino weo Kitabi nopulaoꞌao Abraham peda aini, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda mie banara.”

Roma 11:2

Lahataꞌala miina nakumukundo umatino toka nepilino mpini kabhao-bhaono. Miina mandeꞌaaneomua gahaꞌa tibuhino weo Kitabi wakutuuno anabii Elia nobhieꞌao miendo Israel ne Lahataꞌala?

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Roma 9:17

Weo Kitabi notibuhi bhoasaono Lahataꞌala ne omputo Firaun, “Patudhunomo asangkeko membali omputo neanomo namangka ne hintu amotiwoha kuasaku, bhe neaku natiende-ende ne kosekaꞌewaꞌae dhunia ini.”

Lukas 4:21

Netandakimo nofoinaꞌuda ambano, “Seꞌoleo itu aeatino Kitabi ini nokoꞌulamo wakutuuno fetingkeeꞌomu.”

Markus 15:27

Nandoo dua dohodua mie modai nekantaindo te sau salipu, seemie ne kemano, seemie ne suanano.

Markus 12:10

Molimpuꞌaanemoomu gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano.

1 Petrus 2:6

Kapaꞌamo notibuhi weo Kitabi peda aini, “Padamo aepili sepoi kontu koharagaa, ahunsae te kabhawono Sion somo sandi bhalano. Sabhaha mie marasaeano ne Anoa paise nandidikiane lalondo.”

2 Timotius 3:16

Kosasawiꞌae tibuhiꞌano weo Kitabi nomaiꞌao ne Rohino Lahataꞌala, nokofahalaa so dafofoinaꞌuꞌao kabanara, so daefeꞌulaiꞌao mie umala, so damekataaꞌiao podiu bhe so dafotangahiꞌao dadumadi damangkafi kapoindalono Lahataꞌala.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Yakobus 2:24

Dadiꞌanomo nentaleamo sepaliꞌa putae seemie notahima metaaꞌe Lahataꞌala hampano habuno, suano kaowu taꞌo kaparasaeano.