Yakobus 2:20 - Muna Southern Dialect

²⁰ Ingka mobhoheomu gahaꞌa! Gaomiu bhahaa amaꞌangkoomu bukutii putae kaparasaea tapa seowaꞌano bhe habu ingka nosia-sia?

Yakobus 2:20 Referans Kwoze

Yakobus 2:26

Ane o mbadha miinamo nakoinawa, ingka nomatemo. Pedamo dua aitu o kaparasaea, ane miina naseowaꞌa bhe habu, ingka nomatemo.

Yakobus 2:17

Pedamo dua anaꞌa o kaparasaea, ane pae damotiwohae weo habunto, ingka miina nakofahalaaꞌa. Naembali dakumonae nomatemo kaparasaea anaꞌa.

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Yakobus 1:26

Ane seemie noabhi wutono nokoꞌagama tamaka miina namooli nofewanaki lelano, ingka nobhohe-bhoheꞌimo wutono, agamano miina nakofahalaa.

Titus 1:10

Kapaꞌamo dobhahimo mie pata meangkano ne kafoinaꞌu metaa, mangke-mangkemo andoa nandoo mintahakino kafoinaꞌuno agama Yahudi. Mie bhaindo dobhohe-bhoheꞌianda sabhaha tula-tula pata kofahalaa.

1 Timotius 1:6

Nandoo mie mekapingkano ne patudhu aini, sampe nokolilino fekihindo ne sabhaha potaga-tagaliꞌa tapa kofahalaano.

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Roma 3:28

Kaopuliꞌano manusia dotahimada Lahataꞌala peda mie banara hampano kaparasaeando, suano mbaꞌinomo dodhalangi tubhono agama.

Roma 9:20

Hintu itu manusia, laꞌae bhahaa hintu itu sampe mokado pobhalo bhe Lahataꞌala? Naembali bhahaa o nuꞌua napugau ne humabue, ambano, “Noafa gahaꞌa habu kanau peda aini?”