Yakobus 2:12 - Muna Southern Dialect

¹² Dadiꞌanomo posiꞌondoomu weo pugau bhe podiumiu, hampano pandeꞌaaneomu Lahataꞌala nabhitahakikoomu namangkafi tubhono fofobebasino ⸤ maiꞌao ne dhosa⸥ .

Yakobus 2:12 Referans Kwoze

Yakobus 1:25

Dadiꞌanomo tabeano damotinda-tindae, daꞌumondofaane bhe dadhumalangie mpuu kafoinaꞌuno Lahataꞌala. Kapaꞌamo pahintano Lahataꞌala naꞌa nosangka bhe nokokuasa nofobebasi manusia ⸤ maiꞌao ne dhosa⸥ . Dadiꞌanomo koise taꞌometingke kaowu bhoasaono Lahataꞌala maka molimpuꞌaane. Kapaꞌamo mie dhumalangino bhoasaono nabarakatie Lahataꞌala ne sabhaha nehabuno.

Yakobus 2:8

Ampamo kaowu, ane dhumalangiomu pahintano Omputo tibuhino weo Kitabino Musa, “Moasianda mie bhaimu peda kaasimu ne wutomu!”, ingka habu metaamoomu.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Yohanes 8:32

Mada aitu mandeꞌaaneomu kabanara, kabanaramo anaꞌa so mobebasikoomu.”

Galatia 6:2

Potulu-tulumiomu weo kasabha, ane peda naꞌa ingka dhalangiemoomu pahintano Kristus.