Yakobus 1:5 - Muna Southern Dialect

⁵ Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.

Yakobus 1:5 Referans Kwoze

Yohanes 15:7

Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

Yohanes 14:13

O ae maka dua kamesalomiu weo neaku, amangkafie, neanomo kakalabhiano Amaku natiwohamo ne Anano.

1 Yohanes 3:22

Ane nada naꞌa, o ae maka nemesalonto tetewei daꞌumawae, hampano deangka ne pahintano Lahataꞌala bhe dehabu posahataaꞌano bhe lalono.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

Matius 11:20

Pada aitu Yesus nofeꞌalamo liwu-liwu kaehabuꞌano tanda tapa mentela, kapaꞌamo miina dametompaꞌao dhosando bhe dadumoli ne Lahataꞌala mahinggamo ne itu foliuꞌanomo kabhahi tanda nehabuno.

2 Korintus 2:16

Mbali mie so binasano insaodi ini tapedamo wonono bhangke meowano mate, tamaka mbali mie sumalamatino tapedamo wono mowondu meowano dadi. Kaowu laꞌae bhahaa so moolino taka bhalano pedando inia?

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.