Yakobus 1:22 - Muna Southern Dialect

²² Hintimiu tabeano dhumalangieꞌomu bhoasaono Lahataꞌala, koise tafetingkeomu kaowu. Kapaꞌamo ane taꞌometingkeeꞌomu kaowu, ingka bhohe-bhoheꞌimoomu wutomiu.

Yakobus 1:22 Referans Kwoze

Roma 2:13

Kapaꞌamo suano mie metingkeno tubhono agama Yahudi banarano te wiseno Lahataꞌala, tamaka mie dhumalangino tubhono agama maitu so netahimano Lahataꞌala peda mie banara.

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

1 Yohanes 2:3

Ane deangkaomu ne pahintano Lahataꞌala, ingka o katandainomo dopandeꞌaoꞌomu Lahataꞌala.

Lukas 11:28

Tamaka Yesus tanopugau ambano, “Uumbe, tamaka sedhuluꞌa kakodawuando metingkeno bhoasaono Lahataꞌala bhe doangkafie.”

Matius 12:50

Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Powoha 22:7

⸤ Ambano Yesus⸥ “Tandaiꞌeomu! Apikimaimo. Dokodawua mpuu mie mangkafino sabhaha nekosuahaꞌaono anabii tibuhino weo kitabi aini.”

1 Yohanes 3:7

Anaꞌiku! Koise kaangka-angkaomu ne mie so mekakolilinono totono lalomiu. Mie dhumalangino kapoindalono Lahataꞌala, anoamo itu mie banara, pedamo wutono Kristus nobanara.

Yakobus 1:26

Ane seemie noabhi wutono nokoꞌagama tamaka miina namooli nofewanaki lelano, ingka nobhohe-bhoheꞌimo wutono, agamano miina nakofahalaa.

Galatia 6:7

Koise tibhohe-bhoheꞌiomua, Lahataꞌala pae naembalia dapokalalambuanea. O ae maka dua nemontisando mie, aituꞌaemo dua so netobheno.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

1 Korintus 6:9

Miina mandeꞌaaneomua bhahaa putae mie humabu modaino paise daeꞌawa dawu weo Kafopahintaꞌano Lahataꞌala? Koise nokolilino totono lalomiu! Mie pokawite-witeno, mesombaino barahala, mie monsule, karambole moꞌane, gumaano sapada moꞌane tawa hobhine,

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

1 Korintus 15:33

Koise dofobhohe-bhoheꞌikoomu, doposabhangka bhe mie modai nedai-dai kanea metaa.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

2 Petrus 2:13

Kakadee-dee so neꞌawando naꞌa kanggetu dua ponambono habu modaindo fofodee-deeno. Dohabu pokahaku ole-oleo dokonaemo dua kataano namisindo. Ane dohumaa dopombali-mbali bhe hintimiu weo kahamendo umati, diundo notimolampi bhe notimoambanoꞌao mbaꞌinomo dololanuꞌao nafusuu modai.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

2 Timotius 3:13

Tamaka mie modai bhe fobhohe-bhoheꞌino nadhumulu kadaindo, damokolilino totono lalondo mie bhaindo, gahaꞌaitu totono lalondo wutondo nakolilino dua.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.