Yakobus 1:14 - Muna Southern Dialect

¹⁴ Tamaka manusia nowudhue kapoindalono wutono seemie-seemie, nohelae bhe nogantue kapoindalo modaino.

Yakobus 1:14 Referans Kwoze

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Matius 15:18

Tamaka lumimbaꞌano ne wobha nomaiꞌao we totono lalo, aituꞌaemo fofekaharamuno.

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.

Roma 7:13

Kaowu nokomaꞌana bhahaa metaaꞌano maitu neowa kanau mate? Tantumo miina! Ingka o dhosamo meowano mate, ⸤ suano tubhono agama⸥ . O dhosa nepake kaowu metaaꞌano naꞌa ⸤ maꞌanano tubhono agama⸥ neowa kanau mate, neanomo sifatino dhosa nentaleamo. Pedamo anaꞌa noangka ne pahintano agama, nokobukutiimo kaꞌosano kadaino dhosa.

Matius 5:28

Tamaka ambaku Idi, ane seemie moꞌane nowoha hobhine maka lasao gaono napomoodofiane, ingka nomonsuleanemo weo totono lalono.

Roma 7:11

Noangka ne pahintano agama maitu, dhosa neꞌawa kasalawa nobhohe-bhoheꞌi kanau, bhahamoa noangka ne pahinta maitu nopongko kanau.

Matius 15:20

Medandomo naꞌa fofekaharamuno. Tamaka dohumaaꞌao lima pata nefewaniu, miina nafofekaharamua.”

Matius 4:1

Pada anaꞌa Yesus nowowoꞌoe Rohino Lahataꞌala we pandaso bhalano so naeꞌawaꞌao kasobano Kafeompuꞌando seetani.

Yakobus 1:13

Ane seemie naeꞌawa kawudhu koe nopugau, “Kawudhu aini nomaiꞌao ne Lahataꞌala.” Kapaꞌamo Lahataꞌala miina natiwudhu ne modaiꞌano bhe miina dua nafowudhua.

Yakobus 1:15

Ane kapoindalo modai naꞌa doangkafie, losanomo o dhosa, maka o dhosa nobhala kaowu neowa mate.