Tula-tulando rasulu 9:40 - Muna Southern Dialect

⁴⁰ Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Tula-tulando rasulu 9:40 Referans Kwoze

Matius 9:25

Pada dogihasi mie bhahi maitu, Yesus nopesuamo nointaha limano anaꞌi anaꞌa. Anaꞌi aitu lasao nowanu.

Tula-tulando rasulu 7:60

Poangka nofongkoha tuuno nokeimo fekabhala-bhala, “Ompu, koise fotongkuandae dhosa aini!” Palusi nopugau peda naꞌa, nobhotumo inawano. Saulus noꞌunda dua Stefanus dopongkoe.

Lukas 8:54

Pada anaꞌa Yesus nointahamo limano anaꞌi aitu bhe nopugau ambano, “Anaku wanuꞌo toha!”

Tula-tulando rasulu 20:36

Pada nopugau peda maitu Paulus bhe kosasawindo dosefongko-fongkohaꞌamo tuundo maka dosambahea.

Lukas 22:41

Palusi aitu nofogaati wutono nape sekakulambiꞌa kakodoꞌono, nofongkohamo tuuno maka nosambahea.

Markus 9:25

Yesus nowohamo mie dodhulu kabhahi dolibuda, maka noꞌamahaki seetani maitu ambano, “Hintu seetani! Mefobhohe bhe mefopongke mie! Atuduko limbaꞌo toha maiꞌao ne anaꞌi aini, maka koemo suli-sulikiea!”

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Matius 6:6

Tamaka ane sumambahea pesua weo bolokumu, onto fointo maka sambahea ne Amamu pata tiwohano. Ane nada naꞌa Amamu mohano tifebuniꞌano nabholosiangkoe.

Tula-tulando rasulu 28:8

Ne naꞌa amano Publius nendole-ndoleꞌao saki. Sakino nosodoe bhe nedeaꞌao hea. Paulus nopesuaki bolokuno, nosambaheaꞌane poowa notei limano te wawono maka nofekaꞌosae.