Tula-tulando rasulu 9:4 - Muna Southern Dialect

⁴ Saulus lasao notihambitao we wite, maka nofetingke suaha ambano, “Saulus, Saulus, noafa gahaꞌa fodee-dee kanau?”

Tula-tulando rasulu 9:4 Referans Kwoze

1 Korintus 12:12

O mbadha seꞌise, katokano nobhahi; mahinggamo nobhahi katokano, ingka sembadha kaowu. Pedamo dua aitu Kristus.

Roma 11:22

Ne ini dowohaemoomu kataano bhe kaꞌosano lalono Lahataꞌala. Lahataꞌala noꞌosa lalono ne mie mondawuno ⸤ maꞌanano pata marasaeano⸥ , tamaka netaa mpuu lalono ne hintimiu, sumanomo sadaa-daa dadiomu weo kataano lalono. Ane paise tetewei nalumobhikoomu dua.

Efesus 5:30

Katipandeꞌaoꞌano ingka intaodiomu ini saneamo katokano mbadhano Kristus.

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

Yohanes 21:15

Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Yohanes 20:16

Ambano Yesus ne anoa, “Maria!” Maria nodoli bhe nopugau weo wamba Ibrani, “Rabuni!” (Rabuni maꞌanano Guru).

Yohanes 18:6

Sanopugau Yesus “Ingka Idimo ini”, andoa dosowo bhe dotihambitao ne wite.

Lukas 10:41

Tamaka Ompu tanotobhoosimo ambano, “Marta, Marta, hintu ini nomihi lalomu bhe fekasabha wutomu ne sabhaha giu.

Tula-tulando rasulu 5:10

Hobhine aitu lasao dua notiwata ne wiseno Petrus, komate-mateno. Hato dopesua ana moꞌaneꞌi maitu, dohafotie miinamo nakoineia. Lasao dotongkue maka dokala dokobuhue ne sohihino moꞌaneno.

Tula-tulando rasulu 9:5

Ambano Saulus, “Laꞌae gahaꞌa hintu itu waompu?” Notobhoosimo suaha anaꞌa, “Idi ini Yesus nefodee-deemu itu.