Tula-tulando rasulu 9:31 - Muna Southern Dialect

³¹ Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Tula-tulando rasulu 9:31 Referans Kwoze

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Tula-tulando rasulu 16:5

Dadiꞌanomo kaparasaeando umati dhulu katangka, dhulu oleo dhulu kabhahindo.

Tula-tulando rasulu 12:24

Bhoasaono Lahataꞌala sadhulu kaꞌewa nolele; sadhulu dua kabhahi mie marasaeano ne Yesus.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Yudas 1:20

Tamaka hintimiu, bhahitieꞌiku timoasiꞌaono, potulu-tulumiomu so nodhulu kamatangkaꞌao kaparasaeamiu ne Yesus Kristus; kaparasaeamiu itu nongkilo mpuu. Sambaheaꞌomu weo kuasano Rohino Lahataꞌala.

Ibrani 4:9

Dadiꞌanomo so umatino Lahataꞌala, sadaa-daaꞌe nokantaa-ntaa oleo kafewuleꞌa, peda kafewuleꞌano Lahataꞌala ne oleo kafitu oleono.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Filipi 2:1

Ingka notangkamo lalomiu mbaꞌinomo seꞌisemoomu bhe Kristus. Ingka notilawesi dua lalomiu mbaꞌinomo noniniangkoomu Kristus. Ingka pobhahi-bhahitieꞌomu weo kaseꞌise bhe Rohino Lahataꞌala. Ingka pomoa-moasiꞌaoꞌomu, pomoni-moniniꞌaoꞌomu.

Efesus 5:21

Potuhu-tuhupiomu hampano kafosibhalamiu ne Kristus.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

1 Korintus 14:12

Pedamo dua hintimiu, daanumo uleiꞌeomu lalomiu meꞌawaomu kapooli nedawuꞌaono Rohino Lahataꞌala, tamaka fofoliuꞌano uleiꞌeomu lalomiu so mekamatangkaꞌaoꞌomu kaparasaeando umati.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Tula-tulando rasulu 5:11

Kosasawindo umati marasaeano bhe mie metingkeno kadhadhia amaitu doteꞌi sepaliꞌa.

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.