Tula-tulando rasulu 9:23 - Muna Southern Dialect

²³ Nopalusi seꞌoleo haa oleo miendo Yahudi dopugau-gaumo damongkoe.

Tula-tulando rasulu 9:23 Referans Kwoze

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

2 Korintus 11:26

Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.

Tula-tulando rasulu 14:2

Tamaka miendo Yahudi mongaheno marasaeano, dofekasodomo lalondo mie suano Yahudi so dabansiꞌao bhahitie marasaeano.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Tula-tulando rasulu 9:22

Tamaka Saulus sadhulu-dhulu kabhala kuasano, kapaꞌamo nobhahimo nofotiwoha bukutii putae Yesus maitu kotu-kotuꞌu Mesias, Omputo Fosalamatino, sampe miendo Yahudi we Damsyik nomate akalando.

Tula-tulando rasulu 15:26

Kohoduando ini dohelasimo damateꞌao neano Ompuntoomu Yesus Kristus.

Tula-tulando rasulu 20:3

Nokapo tolu wula neate ne itu, patudhuno nahumope we kadieno Siria. Nobhingke nakumala, gahaꞌa tanonandoomo bhihita putae miendo Yahudi dopugau-gau damongkoe. Dadiꞌanomo nobhotusiemo nasumuli kundono namangka we kadieno Makedonia.

Tula-tulando rasulu 23:12

Nomentae miendo Yahudi dopokanagau bhe dofemata paise daomaa daohoꞌua ane paeꞌo damongko Paulus.