Tula-tulando rasulu 8:40 - Muna Southern Dialect

⁴⁰ Gahaꞌa nofengkanaꞌao lalono Filipus nohatomo we Asdod. Anoa nokala kansuhu poowa nefolele Bhihita Metaa ne sabhaha liwu ampa nohato we kotano Kaisarea.

Tula-tulando rasulu 8:40 Referans Kwoze

Tula-tulando rasulu 21:8

Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Tula-tulando rasulu 25:4

Tamaka Festus notobhoosi ambano, “Paulus sadaa-daa dotaangie we kotano Kaisarea, pakade idi apikisuli dua we watu.

Tula-tulando rasulu 23:33

Sahatondo we Kaisarea, tantaraꞌi sumawino ne adhaha maitu lasao doowa suha naꞌa bhe wutono Paulus se gubernur.

Tula-tulando rasulu 23:23

Pada aitu panglima neloꞌoimo dohodua tantarano maka nofohatoda ambano, “Mefontaa-ntaa kaitaomu dahaa moꞌono tantara so kumalano we Kaisarea, pakade dafitu fulu tantara sumawino ne adhaha bhe dahaa moꞌono tantara meintahano pandanga. Nahambi-hambi siua mata sealo itu dakumalamo.

Tula-tulando rasulu 10:1

We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Tula-tulando rasulu 25:13

Miina naomponaa nohatomo dua kolaki Agripa bhe Bernike we Kaisarea dapointaha lima bhe gubernur Festus.

Tula-tulando rasulu 25:6

Festus neate-ate we Yerusalem alu oleo ampa ompuluꞌa maka nosuli we Kaisarea. Hato nomentae, nefokonandoomo hompuꞌa dabhitahaki Paulus. Paulus nofotuduꞌaanemo.

Tula-tulando rasulu 25:1

Nopooli tolu oleo nohato ne kadie neowano naꞌa, gubernur Festus nohunsamo kotano Kaisarea nokala we Yerusalem.

Tula-tulando rasulu 21:16

Nandoo dua seemie hodua mie marasaeano we Kaisarea mangkafi kainsami. Andoa ini doowa kainsami we lambuno Manason, kabutuꞌa manimo. Mie aini nomaiꞌao we witeno Siprus, nomponamo noparasaeaꞌa.

Tula-tulando rasulu 12:19

Herodes netudu mie daꞌumondofi Petrus, tamaka miina dapoꞌawaanea. Dadiꞌanomo, Herodes nofotudumo damee-meena tantara dhumaganie maitu maka damongkoda. Pada kadhadhia anaꞌa Herodes nokalamo nomaiꞌao we kadieno Yudea nohope we kotano Kaisarea maka neate ne itu.

Tula-tulando rasulu 10:24

Pooli nomentae dohatomo we Kaisarea. Kornelius nontaa-ntaadamo pakade padamo nofohompuda bhahitie bhe sabhangkaꞌino.

Tula-tulando rasulu 8:25

Pada detula-tula dosakusiiꞌao Yesus bhe defolele bhoasaono Lahataꞌala, Petrus bhe Yohanes dosulimo we Yerusalem. Wakutuuno dosuli, nobhahi dua liwu ne kadieno Samaria kaefoleleꞌando Bhihita Metaa.

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.

Tula-tulando rasulu 11:11

Nopobutu dua katudu totoluno maiꞌaono we Kaisarea umondofino idi dohatomo te wiseno lambu kabutuꞌa mani.

Tula-tulando rasulu 18:22

Nosede kaowu we kotano Kaisarea, nofonimo te Yerusalem noangkai umati marasaeano ne itu maka nopansuhu we Antiokia.