Tula-tulando rasulu 8:37 - Muna Southern Dialect

³⁷ [Notobhoosimo Filipus, “Ane nokampuu-mpuumo lalomua weo kaparasaeamu, naembalimo dakumadiuko.” Ambano toha, “Aparasaeamo Yesus Kristus Anano Lahataꞌala.”]

Tula-tulando rasulu 8:37 Referans Kwoze

Tula-tulando rasulu 8:36

Andoa dokala kansuhu, gahaꞌa dehatomo koꞌoeꞌano. Ambano kabhala maitu, “Ingka inia o oe, nandoo bhahaa nekaemiku ane dakumadiu kanaumoa?”

Tula-tulando rasulu 8:38

Mieno Etiopia maitu notududamo damofetumpu kareta kasawiꞌando. Kohoduando, Filipus bhe mieno Etiopia maitu, lasao dosampu weo oe maka Filipus nokadiuꞌe.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Yohanes 9:35

Nofetingke kaowu mie anaꞌa dogihasiemo, Yesus nokalamo noꞌondofie. Nopoꞌawaane kaowu nopugaumo ambano, “Parasaea bhahaa ne Anano Manusia?”

Yohanes 11:27

Ambano Marta, “Uumbe Waompu, aparasaea Hintumo Mesias Omputo Fosalamatino, Anano Lahataꞌala so humatono ne dhunia ini.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 8:12

Tamaka aitu mie doparasaeamo ne Filipus. Anoa nefoleleanda bhihitano Kafopahintaꞌano Lahataꞌala bhe bhihitano Yesus Kristus. Namoꞌane nahobhine dokadiuda.

Tula-tulando rasulu 8:21

Miina bhe hakumua weo kahadhaa mani ini, hampano totono lalomu miina naelaaꞌa ne pomatano Lahataꞌala.

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Roma 10:10

Kapaꞌamo manusia doparasaeaꞌao totono lalondo sampe notahimada Lahataꞌala peda mie banara, bhe dopugauꞌao wiwindo sampe dosalamati.

1 Korintus 12:3

Dadiꞌanomo naetaa amohatokoomu putae o manusia neatono Rohino Lahataꞌala paise bhe kapoolia nabhatataꞌiao Yesus. Pedamo dua aitu miina bhe manusia so pugauno putae Yesus maitu o Ompu ane pae namatoe Rohino Lahataꞌala.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

1 Yohanes 5:5

Laꞌae bhahaa tumalono ⸤ kawudhuno⸥ dhunia? Ingka mpahinomo mie marasaeano putae Yesus maitu Anano Lahataꞌala.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.