Tula-tulando rasulu 8:34 - Muna Southern Dialect

³⁴ Maka ambano kabhala anaꞌa ne Filipus, “Ameenako, laꞌae bhahaa nepulaoꞌaono anabii ini? Nopulaoꞌao wutono bhahaꞌi o mie sigaoꞌano?”

Tula-tulando rasulu 8:34 Referans Kwoze

Matius 15:15

Nopugaumo Petrus, ambano, “Fohato kainsamie maꞌanano kapalenda saꞌituini.”

Matius 13:36

Pada anaꞌa Yesus nohunsamo mie bhahi, nopesuamo weo lambu. Domaimo anaguhuꞌino maka ambado, “Fohato kainsami maꞌanano kapalendano dana te kaampo saꞌituini.”

Tula-tulando rasulu 8:27

Dadiꞌanomo Filipus nokalamo. Ne naꞌa nandoo seemie moꞌane, o kabhala maiꞌaono we Etiopia. Anoa ini mintahano kahangkaeano Kandake. Kandake ini omputo hobhine mahintangino witeno Etiopia. Moꞌane aini nokala nosombai Lahataꞌala we Yerusalem.

Tula-tulando rasulu 8:33

Anoa dofompina-mpinae, kabhotusindo miina naꞌumadhilia sampe doalae bhe inawano. Dadiꞌanomo miinamo bhe sumambiliea sampuꞌano.”

Tula-tulando rasulu 8:35

Dadiꞌanomo Filipus nopugaumo. Notanda ne aeati saꞌituini nofohatoanemo Bhihita Metaa, bhihitano Yesus.