Tula-tulando rasulu 8:21 - Muna Southern Dialect

²¹ Miina bhe hakumua weo kahadhaa mani ini, hampano totono lalomu miina naelaaꞌa ne pomatano Lahataꞌala.

Tula-tulando rasulu 8:21 Referans Kwoze

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Powoha 22:19

Ane bhe mie so kumuhangino suahano anabii tibuhino weo kitabi aini, Lahataꞌala namala dawuno ne bhakeno sau meowano dadi bhe ne kota mongkilo, pedamo tibuhino weo kitabi aini.”

Powoha 20:6

Dokodawua bhe dongkilo mpuu meꞌawano kadawu ne kawanuꞌando mie mate kabhao-bhaono naꞌa. O mate kahaa pakuno paemo nakokuasa ne andoa, tamaka daembali imamuno Lahataꞌala bhe Kristus, bhe damahinta nada omputo nasehewu taꞌu kaomponano.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Lukas 1:6

Kohoduando sanea mie lumebe ne pomatano Lahataꞌala, dodadi doangkafi kosasawiꞌae pahinta bhe tubhono Ompu, miina dakonilempagia.

Efesus 5:5

Tandaiꞌeomu kotu-kotuꞌu: mie pokawite-witeno, mie pokahaku bhe mie kumadau-dauno pae namantasia daeala dawu weo kafopahintaꞌano Kristus bhe Lahataꞌala. O kakadau-dau ini ingka nopototo bhe desombai barahala.

Tula-tulando rasulu 8:37

[Notobhoosimo Filipus, “Ane nokampuu-mpuumo lalomua weo kaparasaeamu, naembalimo dakumadiuko.” Ambano toha, “Aparasaeamo Yesus Kristus Anano Lahataꞌala.”]