Tula-tulando rasulu 8:17 - Muna Southern Dialect

¹⁷ Kohoduando dotei limando te wawondo miendo Samaria maitu maka detahima Rohino Lahataꞌala.

Tula-tulando rasulu 8:17 Referans Kwoze

Tula-tulando rasulu 19:6

Tangasano Paulus notei limano te wawondo, Rohino Lahataꞌala nokabhintidamo sampe dopugau depake wambano Rohi bhe dokosuaha peda anabii.

Tula-tulando rasulu 6:6

Mie pipituno ini doowadamo ne wisendo rasulu. Rasulu dosambaheaꞌanda bhe dotei limando te wawondo ⸤ katandainomo desaloanda kabarakatino Ompu Lahataꞌala⸥ .

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

Tula-tulando rasulu 8:18

Simon nowoha gahaꞌa kaetahimaꞌando Rohino Lahataꞌala mbaꞌinomo rasulu dotei limando te wawondo mie.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Ibrani 6:2

Pedamo dua itu kafoinaꞌuno kakadiu sarani, kafoinaꞌu detei limando te wawondo mie bhaindo ⸤ desaloanda kabarakati⸥ , kawanuꞌando mie mate bhe kahukumu suhue dhamani.

Roma 1:11

Nokamba mpuu laloku apoꞌawa bhe hintimiu, neanomo naembali adumawuangkoomu dua kabarakatino Rohino Lahataꞌala so namatangkaꞌao kaparasaeamiu.

Tula-tulando rasulu 9:17

Pada aitu Ananias nokalamo maka nopesua weo lambu anaꞌa. Noteimo limano te wawono Saulus bhe nopugau ambano, “Saulus, bhahitieku, Ompu notudu kanau amai ne ini, Anoamo Ompu Yesus motiwohano Wutono we sala kaangkaꞌamu. Kahatoꞌaku neanomo sumuli toha fowoha bhe nakumabhintiko Rohino Lahataꞌala.”

1 Timotius 5:22

Koise nehimba fotei limamu te wawondo mie ⸤ so membalino neangkando umati⸥ ; koise dua kaangka-angka ne dhosando mie bhaimu. Dhaganie kangkilono totono lalomu.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

Tula-tulando rasulu 13:3

Palusi dopoasa bhe dosambaheaꞌanda doteimo limando te wawondo maka dopugauanda dakumalamo.

Markus 5:23

bhe nesalo mpuu ambano, “Anaku hobhine nosaohi sepaliꞌa sakino, ane naembali mai teiane limamu te wawono, noꞌosaꞌao, keana nomate.”