Tula-tulando rasulu 7:60 - Muna Southern Dialect

⁶⁰ Poangka nofongkoha tuuno nokeimo fekabhala-bhala, “Ompu, koise fotongkuandae dhosa aini!” Palusi nopugau peda naꞌa, nobhotumo inawano. Saulus noꞌunda dua Stefanus dopongkoe.

Tula-tulando rasulu 7:60 Referans Kwoze

Matius 5:44

Tamaka ambaku Idi, moasianda kaewamu bhe sambaheaꞌanda mie modee-deeko.

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

1 Korintus 15:20

Tamaka kumotuꞌuꞌano peda ini, Kristus padamo dofowanue maiꞌao ne mate, mbalimo titiisando mie mate so sumuli dumadino.

Tula-tulando rasulu 20:36

Pada nopugau peda maitu Paulus bhe kosasawindo dosefongko-fongkohaꞌamo tuundo maka dosambahea.

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Lukas 6:28

mesaloomu kabarakati so mie bhatataꞌiangko, sambaheaꞌandaomu mie meꞌawutiko.

1 Korintus 15:18

Aini nokomaꞌana dua mie marasaeano ne Kristus toka mateno, ingka dobinasamo.

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Tula-tulando rasulu 13:36

Daud nodhalangi pahintano Lahataꞌala ne dhamanino, maka hato nomate dokobuhue ne sohihino awuaꞌino, mbadhano nohansurumo.

Lukas 22:41

Palusi aitu nofogaati wutono nape sekakulambiꞌa kakodoꞌono, nofongkohamo tuuno maka nosambahea.

1 Tesalonika 5:10

Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.

1 Korintus 15:6

Kaowu sewakutuu nofotiwohamo dua Wutono ne bhahitieꞌi marasaeano dolima moꞌono labhi, ampa aini nandoo dobhahi dumadino tamaka sigaꞌa dofohunsamo.

Matius 27:52

Nandoo dua lia kafokobuhuꞌa tilengkaꞌano bhe dobhahi mie mongkilono dowanu maiꞌao ne mate.

1 Korintus 11:30

Kanandooꞌanomo ne olatamiu itu dobhahimo mosakino bhe monaleno, nandoomo dua momateno.

1 Korintus 15:51

Kotu-kotuꞌu amohatoangkoomu seꞌise rahasia: intaodiomu ini paise damisimate-mateꞌa, tamaka kosasawintoomu dafobhalii.

Yohanes 11:11

Pedamo anaꞌa wambano Yesus. Pada aitu nopugaumo dua ambano, “Lasarus sabhangkantoomu noodomo, tamaka akumala amowanue.”

2 Timotius 4:16

Kabhao-bhaono apotunduꞌao wutoku ⸤ wakutuuno dobhitahaki kanau⸥ , bhe naseemie miina bhe tumulumi kanau, dopuli dohunsa kanau. Sio-siomo Lahataꞌala paise namoꞌaladaa.

2 Petrus 3:4

Andoa dapugau ambado, “Ingka ambado, Ompu nopodhandi namai, kaowua ne amaiꞌemo bhahaa? Kapaꞌamo awuaꞌintoomu domatemo, maka o dhunia mpini pakatifokonandoono, taꞌampamo aitu ingka sadaa-daaꞌemo.”