Tula-tulando rasulu 7:38 - Muna Southern Dialect

³⁸ Wakutuuno umatino Israel dohompu we pandaso bhalano, Musamo dua ini membalino poatoꞌaono wambano malaꞌekati bhe awuaꞌintoomu. O malaꞌekati naꞌa nokowamba ne Musa te kabhawono Sinai. Ingka anoamo dua tumahimano bhoasao meowano dadi maiꞌaono ne Ompu Lahataꞌala so nefosampe ne hintimiu.

Tula-tulando rasulu 7:38 Referans Kwoze

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

Ibrani 5:12

Sakotuꞌuno ingka temponomo membaliomu guru, tamaka koꞌulaꞌano ingka nandoo nofaraluu damoinaꞌuangkoomu kafetompunaꞌino dopoguhuꞌao bhoasaono Lahataꞌala. Hintimiu tabeano mohoꞌuomu kaowu oeno titi, paeꞌo mepooliomu oti motuꞌa.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

Tula-tulando rasulu 7:53

Ingka hintimiu tahimaeꞌomu tubhono agama weo Kitabino Musa nefosampendo malaꞌekati, tamaka gahaꞌa miina mangkafieꞌomua.”

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Ibrani 2:2

O bhoasao nefosampendo malaꞌekati ⸤ ne awuaꞌintoomu⸥ nandoo nokotuꞌu sampe mie kumangkalaꞌie bhe tapa meangkano deꞌawamo kahukumu mantasiꞌano.

Galatia 3:19

Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Roma 9:4

Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

Tula-tulando rasulu 7:35

Musa ini dobansiemo bhe dopugau ambado, ‘Nosangkeko laꞌae gahaꞌa membali so neangka bhe so bhitahaki kainsami?’ Tamaka ingka Musamo dua ini netuduno Ompu Lahataꞌala nembali so neangka bhe so fosalamatino, weo katulumino malaꞌekati motiwohano wutono ne polompuno kahoku kokihi.

Tula-tulando rasulu 7:30

Nokapo fato fulu taꞌu neate-ate ne itu tanowohamo dua seemie malaꞌekati we pandaso bhalano we owano kabhawono Sinai. Nowohae weo hendeno efi ne polompuno kahoku kokihi.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.